Искупление/Искупление в Богослужении Православной Церкви

Церковнославянское слово "Изба́витель" есть перевод древнегреческого слова "Λυτρωτής" означающее Искупитель

ОКТОИХ

оставле́ние - на древнегреческом ἀφέσεως - правовое понятие связано с отпущение долга, освобождение
держа́ва - на древнегреческом κράτος - тоже правовое понятие связано с государство, правление

ГЛАС 1

В суббо́ту на вели́цей вече́рни
На Господи воззвах стихи́ры воскре́сны осмогла́сника - Κυκλώσατε λαοὶ Σιών, καὶ περιλάβετε αὐτήν, καὶ δότε δόξαν ἐν αὐτῇ, τῷ ἀναστάντι ἐκ νεκρῶν· ὅτι αὐτός ἐστιν ὁ Θεὸς ἡμῶν, ὁ λυτρωσάμενος ἡμᾶς, ἐκ τῶν ἀνομιῶν ἡμῶν.
И́ны стихи́ры Анато́лиевы : "се́ бо Емману́ил грехи́ на́ша на Кресте́ пригвозди́"
И́ны стихи́ры, по алфави́ту : "Христо́с бо Спа́с на́ш, на кресте́ пригвозди́ грехи́ на́ша"
Богородичен отпустительный - Сла́ва Все́льшемуся в Тя, / сла́ва Проше́дшему из Тебе́, / слава Свободи́вшему нас Рождество́м Твои́м.

Субботу на повечерие, Песнь 5
...Христа́ Бо́га ро́ждши, Ада́мов до́лг, и прама́терний отъе́мши

ВОСКРЕНИЕ - УТРЕНЯ
По 2-м стихословии седальны - Жены́ ко гро́бу приидо́ша ура́нша, и а́нгельское явле́ние ви́девша трепета́ху: гро́б облиста́ жи́знь, чу́до удивля́ше я́: Сего́ ра́ди ше́дша ученико́м пропове́даху воста́ние: а́д плени́ Христо́с, я́ко Еди́н Кре́пок и Си́лен, и истле́вшия вся́ совоздви́же, осужде́ния стра́х разруши́в Кресто́м.
Песнь 3 - И́же на свое́ ра́мо заблужда́емое овча́ взе́мшему, и низложи́вшему дре́вом его́ гре́х, Христу́ Бо́гу возопии́м
Песнь 4 - Христо́с бу́дущих бла́г я́влься Архиере́й, гре́х на́ш разори́л е́сть : и показа́в стра́нен пу́ть Свое́ю кро́вию, в лу́чшую и соверше́ннейшую вни́де ски́нию, Предте́ча на́ш во свята́я.
Песнь 5 - Кресто́м Твои́м ми́р благовести́в, и пропове́дав пле́нным, Спа́се мо́й, оставле́ние, держа́ву иму́щаго посрами́л еси́, Христе́
Песнь 7 - Дре́вле у́бо проклята́ бы́сть земля́ А́велевою очервлени́вшися кро́вию, братоуби́йственною руко́ю: богото́чною же Твое́ю кро́вию благослови́ся окропле́на
Песнь 9 - Спа́се А́гнче Непоро́чне, и́же ми́ра грехи́ взе́мый Тебé славим
Спаси люди Твоя, Господи, / ихже стяжал еси честною Твоею кровию
На хвалитех стихиры - Егда́ пригвозди́лся ес́и на Дре́ве Кре́стнем, тогда́ умертви́ся держа́ва вра́жия: тва́рь поколеба́ся стра́хом Твои́м: и а́д плене́н бы́сть Держа́вою Твое́ю
Страсте́й Твои́х Боже́ственным Я́звам покланя́емся, Христе́ Бо́же, и е́же в Сио́не влады́чнему священноде́йствию

ВТОРНИК ВЕЧЕРА
Го́споди воззва́х, стихи́ры кре́стны - „На́с свободи́л еси́ кля́твы я́же от Дре́ва, я́ко благоутро́бен бы́в кля́тва, прише́л еси́, я́ко да все́м пода́си благослове́ние“

Вторник Повечерие
Песнь 4 - Всели́ся во утро́бу Твою́ Де́во, Сло́во вопло́щшееся, и все́льшуюся пре́жде кля́тву в естество́ челове́ческое изгна́
Песнь 5 - Госпо́дь все́лься, Чи́стая, во чре́во Твое́, и́же благоче́стно в Него́ ве́рующия, изба́вил е́сть от влады́чествия вра́жия: те́мже велегла́сно вси́ воспева́ем Тя́, Пречи́стая.
Песнь 6 - Без се́мене Бо́га во чре́ве зачала́ еси́, и по Рождестве́ стра́ннем Де́ва пребыла́ еси́ Всенепоро́чна: те́мже хвала́ми сла́вим Тя́, и́же Тобо́ю, Пречи́стая, изба́вльшеся кля́твы

СРЕДУ УТРА
Песнь 1 - Ору́жием снеда́шеся Пречи́стая, страсте́й Сы́на Твоего́, я́ко зря́ше того́ копие́м пробода́ема, е́же в раи́ возбрани́тельное отрева́ющаго ору́жие, не даю́щее ве́рным Боже́ственнаго вхо́да.
Песнь 4 - ...на дре́ве же пригво́ждся дре́внюю кля́тву потреби́л еси́.
Дале́че отринове́нныя от Тебе́ язы́ки, воздвиза́емь на кресте́ бли́з привле́кл еси́, примири́л же еси́ на́с Отцу́ Долготерпели́ве, в среду́ вве́л еси́ я́ко хода́тай Себе́
Непра́ведно зря́щи заколе́ние Тя Христе́ ро́ждшая, рыда́ющи вопия́ше Ти́: правосу́де Сы́не, ка́ко непра́ведно осуди́лся еси́, хотя́й оправда́ти преступле́нием осужде́ныя дре́вле
Песнь 6 - Егда́ Моисе́й ру́це возде́в на высоту́, Твою́ стра́сть вообража́ше, просте́ршаго на дре́ве дла́ни, и лука́ваго разруши́вша держа́ву па́губную, те́мже Изба́вителя (Λυτρωτὴν) ве́дуще Тя́ и Спа́са пои́м, Человеколю́бче.
..в ре́бра же копие́м пробода́емь, источи́л еси́ две́ реце́ оставле́ния..
Рукописа́ние Пречи́стая, прегреше́ний мои́х копие́м расто́ргни, ро́ждшагося ра́ди из безсе́меннаго Твоего́ чре́ва
Песнь 7 - Влады́ка Сы́й от раба́ прия́т Иису́се мо́й, ударе́ние, свободи́ти мя́ хотя́й порабоще́ннаго врагу́
Песнь 8 – „гвоздьми́ же пригвозди́ся, упраздни́ти хотя́ поползнове́ние стра́стное первозда́ннаго Ада́ма“

ПЯТОК УТРА
Песнь 4 - Законода́вец пра́веден сы́й, со беззако́нники вмене́н бы́л еси́, на Дре́во возне́слся еси́ благоде́телю Го́споди, все́х оправда́ти хотя́.
Песнь 5 - Тебе́ на суди́щи ста́вшу непра́веднем, пра́ведне Го́споди, оправда́ся пре́жде осужде́нный Ада́м, и зове́т: сла́ва распя́тию Твоему́, Долготерпели́ве Го́споди.
Песнь 6 - Подпису́еши мне́ оставле́ние, порабоще́нному льсти́вым, тро́стию бие́мь Христе́ Бо́же на́ш преблаги́й.
Песнь 8 - За осужде́ние отринове́ннаго осужде́ние пострада́в, за прие́мшаго наготу́, на́г на Дре́ве ви́сел еси́ Ще́дре: ве́лия Твоя́ держа́ва и долготерпе́ние.
В пято́к блаже́нны - Распе́нся безгре́шне, грехи́ все́х взя́л еси́ Христе́

СУББОТА УТРА
Песнь 3 - Ты́ еди́н яви́лся еси́ на земли́, Спа́се мо́й безгре́шен, и́же грехи́ ми́ра взе́мляй я́ко милосе́рд
Песнь 4 - И́же все́х сы́й я́ко Влады́ка, противодосто́йную и́же от Ада́ма Твоего́ заколе́ния, изба́ву да́л еси́ и це́ну
Песнь 6 - И́же кро́вию от ре́бр Твои́х исте́кшею ми́р искупи́л еси́, ве́рою усо́пшыя у́бо Христе́ изба́ви честны́ми Страстьми́ Твои́ми: Ты́ бо це́ну за все́х Себе́ да́л еси́.
Песнь 7 - Но́в Ада́м вои́стинну бы́в, Ада́мов Соде́телю, И́же кля́тву бо Ада́мову еди́н потреби́л еси́.
Зако́на се́ни, и дре́вняя гада́ния Твои́м преидо́ша Рождество́м, Богома́ти, Ты́ бо на́м Боже́ственныя благода́ти Све́т возсия́ла еси́: и́мже дре́вних изба́вихомся долго́в, Чи́стая, воспева́юще Бо́га Препросла́вленнаго.
Песнь 9 ... Ра́дуйся, из нея́же роди́ся А́гнец Бо́жий, взе́мляй грехи́ всего́ ми́ра.

На стихо́вне стихи́ры поко́йны - О Кресте́ Твое́м веселя́щеся. О Кресте́ Твое́м наде́ющеся раби́ Твои́, к Тебе́ преста́вишася Человеколю́бче: и́мже ны́не избавле́ние те́х прегреше́ний, Кре́ст Тво́й да́руй, и кро́вь пролия́нную за мирски́й живо́т

— ГЛАС 1

ГЛАС 2

СУББОТУ ВЕЧЕРА
Стихиры на Господи воззвах - Христо́с Спа́с на́ш, е́же на ны́ рукописа́ние пригвозди́в на Кресте́ загла́ди, и сме́ртную держа́ву упраздни́
Σὺν Ἀρχαγγέλοις ὑμνήσωμεν, Χριστοῦ τὴν Ἀνάστασιν· αὐτὸς γὰρ Λυτρωτής ἐστι
Кресто́м Твои́м упраздни́л еси́, ю́же от дре́ва кля́тву
На стиховне стихиры - Дре́вом, Спа́се, упраздни́л еси́, ю́же от дре́ва кля́тву, держа́ву сме́рти погребе́нием Твои́м умертви́л еси́

КАНОН ВОСКРЕСЕН
Песнь 1 - Мирски́й кня́зь, Бла́же, ему́же написа́хомся, за́поведи Твоея́ не послу́шавше, кресто́м Твои́м осуди́ся
Λυτρωτὴς τοῦ γένους τῶν βροτῶν, καὶ τῆς ἀκηράτου ζωῆς ἀρχηγός, εἰς τὸν κόσμον ἐλήλυθας
Песнь 5 - Пости́ти отверги́йся Ада́м, вкуша́ет смертоно́снаго дре́ва пе́рвый: но сего́ гре́х потребля́ет, распны́йся Вторы́й.
Песнь 6 - Я́ко злоде́й Пра́ведник осуди́ся и со беззако́нными на дре́ве пригвозди́ся, пови́нным оставле́ние Свое́ю да́руя кро́вию.
Песнь 7 - Осуди́ пра́отца дре́вле во Еде́ме преслуша́ние: но во́лею суди́м бы́сть, престу́пльшему разреша́я прегреше́ния, Пребоже́ственный отце́в Бо́г, и Препросла́влен

НЕДЕЛЮ ПОВЕЧЕРИЕ
Песнь 5 - От кля́твы дре́вния ми́р я́ко изба́вила еси́, Влады́чице, ми́ру благослове́ние Христа́ ро́ждшая
Песнь 7 - На Кресте́ Христо́с Сы́н Тво́й распе́нся во́лею, нача́ла тьмы́ посрами́
Песнь 8 - Богоде́ланная Ски́ние, су́щая Свята́го Святы́х, показа́вшаго дре́вния ски́нии о́браз, Архиере́а Вели́ка вну́трь иму́щи
Песнь 9 - Судию́ бо Блага́го и Пра́веднаго родила́ еси́, И́же в не́дрех Божества́ Осуди́вшаго сме́рть

СРЕДУ УТРА
По 3-м стихосло́вии седа́льны - Распя́тися претерпе́л еси́ на́с ра́ди, и ме́ртв бы́ти, Иису́се жизнода́вче, я́ко да руку́ твое́ю созда́ние от сме́ртнаго осужде́ния изба́виши, я́ко благоутро́бен Бо́г и человеколю́бец, за мно́жество щедро́т: И́же еди́н сы́й безгре́шен.
Песнь 1 - Преступи́в пе́рвую за́поведь дре́вле первозда́нный, от сада́ сме́рть объе́м: воздви́гнувыйся же на дре́во Безсме́ртный, и сме́рти вкуси́вый, безсме́ртие все́м челове́ком дарова́. Кресту́ водрузи́вшуся на земли́, низпаде́ шата́ние врага́, и отню́д потреби́ся: пре́жде же отринове́нный челове́к па́ки в ра́й вхо́дит. Сла́ва Тебе́ та́ко еди́ному благоизво́лившему Бо́гу на́шему.
Богородичен - Избавле́ние на́ших грехо́в родила́ еси́ благода́теля Го́спода, измени́вши ме́ртвость пра́отца Ада́ма
Песнь 3 - Ра́й отве́рзл еси́ Кресто́м Твои́м, Влады́ко
Песнь 4 - Упраздни́л еси́ нача́ло лю́таго мироде́ржца, на Дре́во возноси́м, и кля́тву потреби́л еси́. Те́мже Тя́ сла́вим, и́же тобо́ю спасе́ни, Еди́не Го́споди.
Песнь 6 - Распе́ншуся Христе́ тебе́ Всецарю́ во́лею, ца́рствующий гре́х потреби́ся: Ада́м же и́же иногда́ дре́вле из рая́ изгна́нный, в то́й вселя́ется па́ки, Тебе́ воспева́я
Песнь 7 - Ору́жие е́же пре́жде обраща́емое, плещи́ мне́ дае́т, отне́леже копие́м прободе́ся, на Кресте́ воздви́женый, благоутро́бне Го́споди
Песнь 8 - Пло́ть из Твоего́ чре́ва прие́млет хотя́й, и зри́мь быва́ет неви́димый, и распя́тие прие́млет, и кля́тва нарица́ется, от кля́твы изъима́я все́х Сы́н Тво́й, Богора́дованная Влады́чице
На Литургии - Ада́мово рукописа́ние копие́м Твои́м раздра́л еси́, того́ напису́я в кни́зе живы́х, Человеколю́бче.

СРЕДУ НА ПОВЕЧЕРИИ
Песнь 7 - На Кресте́ пригво́ждься, И́же из Тебе́ воплоти́выйся, Богороди́тельнице, Ада́мово раздра́ рукописа́ние

ЧЕТВЕРТОК ВЕЧЕРА
Стихиры на Господи воззвах - Ве́сь низложе́н бы́сть на зе́млю, ве́сь уязви́вся, и лежи́т паде́нием чу́дным зми́й вселука́вый, вознесе́ну бы́вшу Ти́ на Дре́во, Человеколю́бче: Ада́м же от кля́твы разреша́ется, и спаса́ем быва́ет, и́же пре́жде осужде́ный

ПЯТОК УТРА
По 1-м стихосло́вии седа́льны - И́мже о́бразом плени́л е́сть вра́г Ада́ма дре́вом сне́дным: та́кожде са́м, Го́споди, плени́л еси́ Ты́ врага́ дре́вом кре́стным, и стра́стию Твое́ю. На се́ бо прии́де вторы́й Ада́м, взыска́ти заблу́ждшаго, и оживи́ти уме́ршаго: Бо́же, сла́ва Тебе́
Песнь 1 - Распя́тие прии́м, и гвоздьми́ пригвожде́н бы́в безче́стно, Сло́ве, вся́ челове́ки почти́ти хотя́й, и́же Твоя́ во́льная страда́ния сла́вящия.
Песнь 4 - Пове́шен бы́л еси́ на Дре́ве, пове́шей зе́млю на вода́х, Всеси́льне, и копие́м в ре́бра пробода́емь, Кро́вь же с водо́ю иска́пал еси́ на избавле́ние все́х.
Прободе́ным Твои́м ре́бром, исцеле́ боле́знь моя́; руко́ю по лани́те бие́ну Ти́ свобо́ду улучи́х; же́лчи же вкуше́нием, сластна́го изба́вихомся, Христе́, бра́шна.
Песнь 6 - Я́коже А́гнец, во е́же закла́тися, веде́н бы́л еси́, Христе́ Бо́же мо́й
Грехи́ ми́ра взе́млющаго, Пречи́стаго А́гнца заче́нши родила́ еси́, Всенепоро́чная...
Песнь 7 - Па́дша мя́ преступле́нием воздви́гл еси́, на Кре́ст воздви́жен
Гвоздьми́ пригвозди́л еси́ Христе́ грехи́ пра́отца, тро́стию же бие́м, написа́л еси́ свобо́ду все́м челове́ком
Песнь 8 - Лю́дие непокори́вии, без стра́ха же беззако́нная вся́ творя́ще, посреде́ беззако́нною Тя́, Ще́дре, оправда́юща беззако́нныя, на Дре́ве воздви́гше распя́ша

Песнь 9 - Да вообрази́т дре́вле Исаа́к Твою́ стра́сть, связу́ется сло́ве: разреша́ет же свя́занное овча́ в то́йже о́браз, в саде́ Саве́кове оставле́ния, и отпусти́ся нево́льная тогда́ же́ртва вои́стинну: Тебе́ бо во́лею поже́ршуся, от зо́л разреши́хомся.

— ГЛАС 2

ГЛАС 3

СУББОТУ ВЕЧЕРА
На стиховне стихиры - Ἵνα τὸ γένος ἡμῶν, ἐκ τοῦ θανάτου Χριστὲ λυτρώσῃς, θάνατον ὑπήνεγκας
Богородичен отпустительный - Σὲ τὴν μεσιτεύσασαν τὴν σωτηρίαν τοῦ γένους ἡμῶν, ἀνυμνοῦμεν Θεοτόκε Παρθένε· ἐν τῇ σαρκὶ γὰρ τῇ ἐκ σοῦ προσληφθείσῃ, ὁ Υἱός σου καὶ Θεὸς ἡμῶν τὸ διὰ Σταυροῦ καταδεξάμενος πάθος, ἐλυτρώσατο ἡμᾶς, ἐκ φθορᾶς ὡς φιλάνθρωπος.

СУББОТУ ПОВЕЧЕРИЕ
Песнь 1 - И́же Е́вину утро́бу осу́ждь в печа́лех, роди́ти плоды́ в боле́зни, во чре́во Твое́ всели́ся, Де́во Чи́стая, сы́й Бо́г на́ш, пло́тию яви́ся па́че сло́ва, и прама́терний разреши́ до́лг.

НЕДЕЛЮ УТРА
Песнь 1 - И́же зе́млю осуди́в, престу́пльшему по́том изнести́ плода́ те́рние (по́та изнести́ пло́д те́рния), от те́рния вене́ц из руки́ законопресту́пныя, Се́й Бо́г на́ш, пло́тски прие́мый, кля́тву разруши́л е́сть: я́ко просла́вися.
Крестовоскресен - Ро́д челове́ч порабоще́н мучи́телем грехолю́бным, Кро́вию Боже́ственною Христо́с искупи́
Песнь 5 - Судии́ непра́ведному, евре́йскою за́вистию пре́дан бы́в, Всеви́дче, и все́й пра́ведне судя́й земли́, Ада́ма дре́вняго изба́вил еси́ осужде́ния.
Крестовоскресен - Копие́м в ребро́ Твое́, О Христе́ мо́й, прободе́н бы́в, от ребра́ челове́ча созда́нную, губи́тельства все́м челове́ком бы́вшую хода́таицу, кля́твы свободи́л еси́
Хвалитны - Ἐκένωσε τοὺς τάφους ὁ Λυτρωτῆς, ἐσκύλευσε τὸν ᾅδην

НЕДЕЛЮ ПОВЕЧЕРИЕ
Песнь 5 - Ты́ Бо́жия еси́ Ю́ница, на́с ра́ди пожре́наго человеколю́бно, Боже́ственнаго Юнца́: Его́же Боже́ственною кро́вию се́рдце мое́ очи́сти.
Песнь 6 - Разреши́ла еси́ до́лг земноро́дных, Би́сера многоце́ннаго ро́ждши

ВТОРНИК УТРА
Песнь 5, Богородичен - Рождество́м Твои́м онепло́дствила еси́, Отрокови́це, пра́деднюю кля́тву: и источи́ла еси́ на́м благослове́ния ре́ки
Песнь 8 - А́гнца Бо́жия пропове́дал еси́, грехи́ челове́ков взе́млющаго

ВТОРНИК ВЕЧЕРА
Стихиры на Господи воззвах- Ка́плями богото́чныя кро́ве и воды́ возсозда́ся ми́р, пролия́нныя от ре́бр Твои́х, водо́ю у́бо омы́еши я́ко ще́др, все́х грехи́, Го́споди, кро́вию же проще́ние пи́шеши.

СРЕДУ УТРА
По 3-м стихословии седальны - Кре́ст претерпе́л еси́ безче́стно, Влады́ко, и́же превы́ше всея́ тва́ри, я́ко да почти́ши мя́ пре́жде лю́те обезче́ствована
Песнь 1 - И́же связа́вый в раи́ ле́стию челове́ка, за́поведи преступле́нием, у́зами свя́зан е́сть нереши́мыми, Го́споди, и́миже воплоща́емь во́лею свя́зан бы́л еси́, разреша́я прегреше́ния на́ша, Человеколю́бче.
Песнь 4 - Досажде́ние вои́стинну, и́же че́сти вся́кия превы́шший Влады́ко, претерпе́л еси́ Христе́, по главе́ тро́стию бие́мь: я́ко да преступле́нием мя́ обезче́ствована почти́ши, Человеколю́бче.
Венце́м терно́вым венча́н бы́л еси́ хотя́ долготерпели́ве, я́коже Ца́рь и́стинный, и терноно́сный ча́стный гре́х из ко́рене уста́вил еси́: песносло́влю Твоя́, Спа́се, страда́ния.
Песнь 5 - Я́коже а́гнец воздви́глся еси́ на дре́во, и Отцу́ же́ртва прине́слся еси́ о на́с, Бла́же, и же́ртвы и́дольския уста́вил еси́, Всеси́льне.
Песнь 8 - Тебе́ распе́ншуся, отве́рзеся па́ки ра́й, и обраща́ющееся на ны́ ору́жие плещы́ дае́т, копия́ устыде́вся пробо́дшаго свята́я ре́бра Твоя́, Христе́ многоми́лостиве.
На Литургии - Со беззако́нныма вмени́вся, беззако́ния все́х на́с Иису́се взя́л еси́, и те́рнием венча́вся я́ко Ца́рь все́х, греха́ те́рние пра́отца из ко́рене Христе́, изсека́еши: те́мже ве́рою Твою́ стра́сть ны́не сла́вим.

ЧЕТВЕРТОК ВЕЧЕРА
Стихиры на Господи воззвах - Венце́м от те́рния исплете́нным увя́злся еси́ поруга́нно Царю́ все́х, запреще́ние спа́се, терно́внаго греха́ истерза́я: рука́ма же твои́ма тро́сть прие́м, в го́рней кни́зе написа́л еси́ все́х на́с: в Тя́ ве́ровавших.

ПЯТОК УТРА
По 2-м стихословии седальны - Поно́сную, Ще́дре, сме́рть в распя́тии во́лею претерпе́л еси́; Тебе́ же Ро́ждшая, Христе́, зря́щи уязвля́шеся. Ея́же мольба́ми за милосе́рдие ми́лости Твоея́, еди́не Преблаги́й Человеколю́бче Го́споди, уще́дри и спаси́ ми́р, взе́мляй ми́ра грехи́.
По 3-м стихословии седальны - Кре́ст претерпе́л еси́, Безгре́шне, кля́твы сосу́д, за милосе́рдие неизрече́нное; первозда́ннаго пе́рвыя кля́твы свободи́л еси́.
Песнь 3, Ирмос - Утвержде́ние на Тя́ наде́ющихся, утверди́, Го́споди, це́рковь, и́же стяжа́л еси́ Честно́ю Твое́ю кро́вию.
Разреше́ни бы́ша земноро́днии от кля́твы, кля́тве Тебе́, Bлады́ко, бы́вшу, и Кресто́м благослове́ние источи́вшему.
Песнь 4 - Я́ко овча́ на заколе́ние Тя́ проро́к предзри́т, и я́ко а́гнца Cло́ве Бо́жий, не проти́вящася отню́д, ниже́ вопию́ща: и́бо хоте́нием претерпе́л еси́ распя́тися, я́ко да и́же во́лею согреши́вшыя изба́виши, и спасе́ши, милосе́рде Го́споди.
Песнь 5 - Упоко́ил мя́ еси́ Сло́ве, претружде́наго трудо́м прегреше́ний, препочива́я на дре́ве Влады́ко, и взя́т поноше́ние мое́, и́миже пострада́л еси́ Иису́се поноше́ньми.
Песнь 6 - Во́лею закла́лся еси́ я́ко а́гнец, сне́дию дре́ва уме́ршаго во́лею, па́ки к жи́зни Христе́ возводя́.
Песнь 7 - Кро́вию честно́ю, Го́споди, тва́рь очи́стил еси́ от кро́ве, приноси́мыя ме́рзким бесо́м, и разруши́л еси́ же́ртвы скве́рныя, Сло́ве Бо́жий, поже́рся я́ко незло́бив а́гнец: сла́ва держа́ве Твое́й.
Песнь 9 - На Кресте́ пригво́ждся Иису́се, и́же основа́вый на ниче́мже всю́ зе́млю, угле́бшаго мя́ в ка́ле грехо́внем нра́вом лука́вым, я́ко бла́г уще́дрив Христе́, и извле́к, и безче́стною Твое́ю сме́ртию почти́л еси́, Многоми́лостиве.

ПЯТОК ПОВЕЧЕРИИ
Песнь 1 - Спасе́нию Нача́льника и Жизнода́вца ро́ждшая па́че смы́сла всего́, соу́з разреши́ла еси́ осужде́ния Е́вы прама́тере.

СУББОТУ УТРА
Песнь 1 - За рабы́, Влады́ко, Твою́ кро́вь закла́вся излия́л еси́ я́ко ще́др, до́лг же за ни́х воздая́
Песнь 7 - Тро́стию кре́стною подписа́л еси́ оставле́ние грехо́в все́м ве́рным
Песнь 8 - Очи́сти, Бла́же, копие́м ре́бр Твои́х растерза́в рукописа́ние к Тебе́ преста́вленных

Песнь 9 - Я́ко святы́й ковче́г, и свиде́ния ски́ния законода́вца Бо́га, прия́ла еси́ во утро́бе, Всенепоро́чная, Зижди́теля Твоего́, изрече́ние дре́вния кля́твы, и зако́н сме́рти Свое́ю сме́ртию испрове́ргшаго.

— ГЛАС 3

ГЛАС 4

СУББОТУ ВЕЧЕРА
Стихиры на Господи воззвах - Дре́ва преслуша́ния запреще́ние разреши́л еси́, Спа́се, на Дре́ве кре́стнем во́лею пригвозди́вся
На стиховне стихиру воскресну - Го́споди возше́д на Кре́ст, пра́деднюю на́шу кля́тву потреби́л еси́, и соше́д во а́д, ве́чныя у́зники свободи́л еси́

ВОСКРЕСНАЯ ПОЛУНОЩНИЦА
Песнь 1 - Неизрече́нно Творца́ родила́ еси́ все́х, Пречи́стая, избавля́ющаго дре́вния кля́твы челове́ки

НЕДЕЛЮ УТРА
Песнь 1 - Возне́слся еси́ на пречи́стем дре́ве кре́стнем, на́ше отпаде́ние исправля́я
Песнь 5 - Ты́ взя́л ми́ еси́, Христе́, прегреше́ний осужде́ние
Разрушеный, Человеколюбче, Храм Твоего Телесе, / гроб разделивый и ад неволею оба суда истязуеми суть: / ов убо святых Твоих души, / телеса же другий соотсылающе, Безсмертне.
На хвали́тех стихи́ры воскре́сны - Кресто́м Твои́м, Христе́, от дре́вния кля́твы свободи́л еси́ на́с/ и смертию Твоею / естество наше мучащаго диавола упразднил еси
Сме́рть прия́л еси́ пло́тию, на́м безсме́ртие хода́тайствуя, Спа́се, и во гро́б всели́лся еси́, да на́с от а́да свободи́ши
Тропар воскресен по великое Славословие - Воскре́с из гро́ба, и у́зы растерза́л еси́ а́да, разруши́л еси́ осужде́ние сме́рти Господи
На Литургии - Рукописа́ние на́ше на Кресте́ копие́м раздра́л еси 

НЕДЕЛЮ ПОВЕЧЕРИИ
Песнь 6 - Очи́сти на́шя грехи́, Человеколю́бче, мо́лимся, моли́твами без се́мене Ро́ждшия Тя́: на́с бо ра́ди Сло́ве, Твою́ честну́ю кро́вь пролия́л еси́.

ПОНЕДЕЛЬНИК УТРА
Песнь 3 - Е́вину дре́внюю кля́тву, Христа́ ро́ждши, Ма́ти Чи́стая, пресве́тло разреши́ла еси́, все́х венча́ющаго благослове́ньми
Песнь 8 - Благослови́т вся́ тва́рь рождество́ Твое́, благослове́ньми на́с венча́вшее, и от кля́твы изъе́мшее, Всеблагослове́нная

ВТОРНИК ВЕЧЕРА
Стихиры на Господи воззвах - На Кре́ст воздвиза́ем, и копие́м пробода́ем, и пе́рсты окровавля́ем Влады́ко, свобожде́ние подписа́л еси́ на́м, Преблаги́й, и рукописа́ние Ада́ма прароди́теля растерза́в, свободи́л еси́ челове́ческое существо́. Сего́ ра́ди воспева́ем, Ще́дре, ю́же па́че ума́ Твою́ благосты́ню.

СРЕДУ УТРА
По 1-м стихословии седальны - Искупи́л ны́ еси́ от кля́твы зако́нныя честно́ю Твое́ю Кро́вию
Песнь 3 - Мечи́ вра́жия притупи́шася, Тебе́ прободе́ну в ре́бра, Сло́во О́тчее ипоста́сное, и Еде́м отве́рзеся.
Песнь 8 - Раздира́ется рукописа́ние первозда́ннаго Ада́ма, прободе́нием Боже́ственных ре́бр Твои́х: ка́плями же кро́ве, Влады́ко, освяща́ется вся́ земля́, во гла́сех благодаре́ния при́сно зову́щи: благослови́те вся́ дела́ Госпо́дня Го́спода

ЧЕТВЕРТОК ВЕЧЕРА
Стихиры на Господи воззвах - Растерза́ется рукописа́ние, е́же от ве́ка Ада́ма пра́отца, прободе́нием Твои́х ре́бр, Многоми́лостиве, и отринове́ное естество́ челове́ческое кропле́нием кро́ве Твоея́ освяти́ся

ПЯТОК УТРА
По 3-м стихосло́вии седа́льны - Кре́ст и сме́рть за ны́, Бла́же, за безме́рную ми́лость во́лею претерпе́л еси́, и су́д непра́веден: я́ко да осужде́ния и дре́вния кля́твы все́х свободи́ши
Песнь 1 - Зми́я воздви́гл е́сть Моисе́й, прообразу́я Боже́ственное Твое́ распя́тие, Сло́ве пребезнача́льне, и́мже паде́ ядови́тый зми́й паде́нию Ада́мову хода́тай бы́вый
Песнь 3 - Предста́л еси́ судии́ суди́мь непра́ведно, судя́й пра́ведно все́й земли́, и претерпе́л еси́ ударе́ние в лани́ту, свободи́ти мя́ хотя́ порабоще́ннаго, Го́споди, лука́вому мироде́ржцу.
Песнь 4 – Да отпу́стиши мя́ от у́з грехо́вных, Человеколю́бче, Твое́ю во́лею свя́зан бы́л еси́, и на Кресте́ у́мерл еси́ я́ко злоде́й
Богородичен - Раздра́ся рукописа́ние Ада́мово, копие́м прободе́ну Ти́
Песнь 5 - Распина́ем за милосе́рдие, Го́споди, и спаса́еши мя́, оцта и же́лчи прие́млеши вкуше́ние, сла́стнаго избавля́я на́с вкуше́ния я́ко бла́г, и́мже прельсти́хомся, и тли́ подпадо́хом.
Песнь 7 - Побежде́н бы́сть сопротивобо́рец, и паде́ся ди́вным паде́нием, возне́сшуся Христу́ на Дре́во, и спасе́ся пре́жде осужде́нный, вопия́ ему́: и́же отце́в Госпо́дь и Бо́г благослове́н еси́.
Песнь 8 - Разреша́еши мя́ от у́з ле́тных, в ле́то безле́тный бы́в, свя́зан же бы́в во́лею, го́рдаго у́зам нереши́мым отсла́л еси́, Влады́ко, и спаса́еши мя́ Кресто́м и страстию
Песнь 9 - Стоя́ше суди́м Человеколю́бче, и́же суди́ти хотя́й все́м: венце́м же терно́вым увя́злся еси́ хоти́тельне, Спа́се, свое́ю во́лею, преслуша́ния, Христе́, те́рния из ко́рене истерза́я, все́м же насажда́я Твоего́ благоутро́бия позна́ние.
На Литургии - Зря́ще Тя́ на Кресте́ распросте́рта, еди́не Долготерпели́ве, си́лы небе́сныя, недоуме́ющеся с тре́петом дивля́хуся: земля́ же колеба́шеся, и свети́л добро́та угаса́ше непра́ведно, Человеколю́бче, осужда́ему Тебе́, Ада́м осужде́нный оправда́шеся

СУББОТУ УТРА
Песнь 1 - Неизрече́нную и блаже́нную сла́ву Твою́, преста́вльшыяся ве́рою насле́довати сподо́би, Христе́, презира́я прегреше́ния и́х, и оправда́й благода́тию, излия́нием Твоея́ кро́ве.
Песнь 3 - Я́коже а́гнцы добропобе́днии му́ченицы, заколе́ни бы́вше, Христу́ принесо́шася, закла́вшемуся а́гнцу и сло́ву Бо́жию за все́х избавле́ние.
Песнь 6 - На Дре́ве пове́шен бы́в Спа́се мо́й, ра́й отве́рзл еси́

Ты́ пра́вда же и освяще́ние на́м бы́л еси́, и душа́м избавле́ние: Отцу́ бо приве́л еси́ опра́вданы и изба́влены, восприе́м на́ше до́лжное запреще́ние

— ГЛАС 4

ГЛАС 5

СУББОТУ НА ВЕЛИЦЕЙ ВЕЧЕРНИ
Стихиры на Господи воззвах - Честны́м Твои́м Кресто́м, Христе́, диа́вола посрами́л еси́
Воскресе́ние дая́й ро́ду челове́ческому, я́ко овча́ на заколе́ние веде́ся
αὐτός ἐστιν ἀληθῶς, ὁ Λυτρωτὴς τοῦ κόσμου καὶ Παντοδύναμος.
„Кре́стную же стра́сть на́с ра́ди восприя́т, и Воскресе́ние я́ко Бо́г дарова́, изме́ншемуся на́шему осужде́нному естеству́“
На стиховне стихиры - Прободе́ным Твои́м ре́бром, Жизнода́вче, то́ки оставле́ния все́м источи́л еси́

СУББОТУ ПОВЕЧЕРИЕ
Песнь 5 - Ты́ Пра́вду же и Избавле́ние на́м ро́ждши, Христа́ без се́мене, свобо́дно соде́яла еси́, Богоро́дице, от кля́твы естество́ пра́деднее.

НЕДЕЛЮ УТРА
Песнь 1 - Тебе́ терноно́сный евре́йский со́нм, любве́ Благоде́телю к Тебе́ не сохра́нь ма́терния, Христе́ венча́, родонача́льника разреша́юща терно́вное запреще́ние.
Разреши́ся кля́тва, печа́ль преста́: / Благослове́нная бо и Благода́тная, / ве́рным ра́дость возсия́, / благослове́ние всем конце́м цветонося́щи Христа́.
Иже волею на кресте пригвожденному плотию, / и древняго от изречения древом падшаго свобождшему, / Тому Единому воспоим: яко прославися.
Песнь 3 - Разреши́ся кля́твы дре́вния осужде́ние / Твои́м хода́тайством, Де́во Пречи́стая: / из Тебе́ бо Госпо́дь я́влься, / всем благослове́ние, я́ко Преблаги́й, источи́
Песнь 4 - Кре́ст за дре́во разу́мное, за сла́дкую же пи́щу же́лчь, Спа́се мо́й, прия́л еси́, за тле́ние же сме́рти кро́вь Твою́ Боже́ственную излия́л еси́.
Икос - ...Христо́с прибли́жися к ни́м, глаго́ля, е́же ра́дуйтеся, дерза́йте, Аз ми́ра победи́х, и у́зники свободи́х...
Песнь 7 - Твоею смертию Христе, смертную разорь державу, / благословен Бог отец наших.
Стихиры воскресны – „Кресто́м бо Твои́м разбо́йнику ра́й отве́рзл еси́“
На Литургии - И́же на дре́ве кре́стнем жи́знь процве́тшаго ро́ду на́шему, и изсуши́вша ю́же от дре́ва кля́тву, я́ко Спа́са и Соде́теля согла́сно воспои́м

НЕДЕЛЮ ПОВЕЧЕРИИ
Песнь 3 - Преидо́ша се́нем законотвори́мая: Законода́вца бо Христа́ родила́ еси́, Пречи́стая, благода́ть очище́ния и просвеще́ния на́м взако́нившаго, и от кля́твы изъе́мшаго, Де́во Всенепоро́чная.

ВТОРНИК ВЕЧЕРА
Стихиры на Господи воззвах - Воздви́жеся я́коже А́гнец на Кресте́, и возноше́ния льсти́ваго низве́ргл еси́: закла́в же ся, кро́вию Твое́ю всю́ освяти́л еси́ зе́млю. И прободе́н копие́м, пла́менному мне́, Христе́, ору́жию плещи́ да́ти а́бие повеле́л еси́, и рая́ вмести́ти вхо́д, и дре́ва мя́ наслажда́тися живо́тнаго небоя́зненно. Те́мже спасе́н бы́в стра́стию Твое́ю, зову́ ра́дуяся: сла́ва Боже́ственному Кресту́ Твоему́, и́мже кля́твы изба́вихомся дре́вния, и благослове́ние от дре́ва объе́млем, и ве́лию ми́лость.
Хотя́ рукоположе́ние Ада́ма первозда́ннаго отя́ти до конца́ всеболе́зненное, Человеколю́бче, я́ко созда́тель Ада́мов, гвоздьми́ пригвозди́ся, безгре́шне Христе́, и копие́м Боже́ственная Твоя́ ре́бра уязви́в на́с ра́ди, возбраня́еши сло́ве ору́жию пла́менному, не брани́ти на́м вхо́да Твои́м рабо́м. Те́м же славосло́вяще Тя́, пое́м держа́ву Твою́, и кре́ст Тво́й чти́м, и воспева́ем, Человеколю́бче, и́мже вся́ко естество́ обре́те неболе́зненное достоя́ние и ве́лию ми́лость.
Избавле́ние на́с ра́ди, и це́ну вели́кую, пречи́стую кро́вь Твою́ изво́лил еси́ да́ти, безгре́шне Христе́ мо́й, все́м хотя́ спасе́ние получи́ти.
На стиховне стихиры - Ве́сь восприи́м мо́й зра́к, Созда́тель и Бо́г облече́ся, вообрази́ти и́же пре́жде па́дший зра́к Ада́мов восхоте́вый, на Кре́ст вознесе́ся во́лею я́ко пови́нен

СРЕДУ УТРА
По 1-м стихосло́вии седа́льны - Распе́ншагося Спа́са и Изба́вителя на́шего во́лею, я́коже ве́сть, и я́коже благоизво́ли, воспои́м ве́рнии, и просла́вим: я́ко пригвозди́ на Кресте́ грехи́ челове́ков
По 2-м стихосло́вии седа́льны - Дре́во Креста́ Твоего́, Спа́се на́ш, ми́рови яви́ся спасе́ние: на то́м бо пригвозди́лся еси́ во́лею, и от кля́твы изба́вил еси́ земноро́дныя: все́х ра́досте, Го́споди, сла́ва Тебе́.
Песнь 3 - Распина́ешися, и ра́й па́ки отверза́ется
Увяда́еши грехо́вный пла́мень, распина́емь, Иису́се, на Дре́ве за бла́гость: реши́ши пре́лесть связу́емь, обнаже́н бы́в одева́еши оде́ждею сла́вы челове́ка: сла́ва мно́гому благоутро́бию Твоему́.
Пою́т а́нгельстии ли́цы Тя́, Всепе́тая, без разсужде́ния си́х преиму́щую: Бо́га бо родила́ еси́ пло́тию, от дре́ва кля́тву Дре́вом погу́бльшаго, и благослове́ние источи́вшаго.
Ин канон Пресвятой Богородице - Пре́йде се́нь, зако́ну сконча́ему: законода́вца бо Христа́ родила́ еси́, благода́ть очище́ния и просвеще́ния на́м законополага́юща, и кля́твы изъима́юща
Песнь 4 - Душа́м всеконе́чное избавле́ние сотворя́я, Христе́, в ру́це Отцу́ пре́дал еси́ Пресвяту́ю Ду́шу Твою́, на дре́ве во́лею ви́симь.
Непра́ведный судия́ осуди́ Тя пра́веднаго судию́, Иису́се, умре́ти на Дре́ве ви́симу: я́ко да оправди́ши на́с, непра́ведно врагу́ подкло́ншыяся.
Песнь 5 - Стоя́л еси́ суди́мь пра́ведный судие́, Христе́, и осужда́я пло́тию вражду́, тро́стию бие́мь, и свобожде́ние соверше́нное подпису́я мне́.
Песнь 6 - Ду́шы пра́ведных, на Дре́ве дре́вле ду́шу Тя́ предаю́ща, Влады́ко, я́ко ощути́ша, ве́чных у́з сло́ве отпуща́еми быва́ху.
Песнь 8 - Разреша́еши мя́ от у́з грехо́вных сло́ве, хоте́нием связу́емь, и ве́чными у́зами связу́я, Спа́се, врага́ отсту́пника: те́мже Твоя́ сла́влю стра́сти во ве́ки.
Песнь 9 - Садоде́теля родила́ еси́, благоче́стия сади́теля, всажда́юща на земли́ ра́зум и́стинный, и прозя́бшую, от сада́ разоря́юща кля́тву, Его́же велича́юще, Тебе́ Де́ву ублажа́ем.
Стихиры крестны - Веде́н бы́л еси́ на́с ра́ди на же́ртву Христе́, я́ко овча́, и я́ко А́гнец незло́бив Емману́ил, на заколе́ние во́льное, с беззако́нники вмене́н бы́л 

ЧЕТВЕРТОК ВЕЧЕРА
Стихиры на Господи воззвах - Ме́сту, иде́же стоя́сте но́зе Госпо́дни, ве́рою покланя́ющеся, я́коже проро́к рече́: Христа́ славосло́вим распе́ншагося и сраспе́нша прегреше́ния на́ша: ю́же от дре́ва разори́вшаго кля́тву, и примири́вша Отцу́ отстоя́щыя отню́д помышле́ньми. Ручны́я же Его́ и ножны́я гво́здия, копие́ и тро́сть, гу́бу и вене́ц облобыза́юще, досажде́ния и наруга́ния, и и́на ели́ка подъя́т, че́стне почита́ем, и́миже спасо́хомся.

ЧЕТВЕРТОК ПОВЕЧЕРИЕ
Песнь 4 - Е́ва ра́дуется, дре́вняго бо прама́терня осужде́ния свобожде́ну Отрокови́ца показа́, Я́же Судию́ заче́ншая нетле́нно, и ро́ждшая Милосе́рдаго

ПЯТОК УТРА
По 2-м стихосло́вии седа́льны - Во́лею, Ще́дре, Кре́ст претерпе́л еси́, и дре́внюю кля́тву я́же ра́ди сне́ди, я́ко всеси́льный Бо́г Ты́ потреби́л еси́. Те́мже Боже́ственныя и честны́я стра́сти Твоя́, Влады́ко Христе́, пое́м и покланя́емся
Песнь 3 - Закла́ся на кресте́ я́коже а́гнец, пра́ги назна́менуя ду́ш на́ших Боже́ственною Твое́ю кро́вию, Влады́ко: те́мже Тя́ со стра́хом сла́вим.
Песнь 4 - Стоя́щу Ти́ судие́, иногда́ пред суди́щем, Христе́, осуди́л еси́ непра́веднаго врага́: и распя́лся еси́ посреде́ непра́ведных, на́с оправда́я.
Песнь 7 - Да изба́вимся мы́ сла́стнаго греха́, же́лчи вкуси́л еси́, Христе́, сла́досте жи́зненная.
Песнь 8 - И́же кля́тву дре́ва Дре́вом исцели́вый, и благослове́ние источи́вый челове́ком, Преблаги́й: Тебе́, Спа́се, пое́м, и Тебе́ славосло́вим во ве́ки.

СУББОТУ УТРА
Песнь 1 - Во святы́х селе́ниих, во дво́рех Твои́х, Христе́, преста́вленныя всели́! И́же до́лг за ни́х пролия́вый кро́вь Твою́, Влады́ко, пречестне́йшую.
Песнь 3 - Пое́м Твое́ Рождество́, Чи́стая, И́мже пе́рваго осужде́ния и кля́твы изба́вихомся, и от сме́рти свободи́хомся.

На стиховне стихиры покойны - Иде́же проро́ков ли́к, апо́столов и му́чеников чи́нове, и вси́ и́же от ве́ка оправди́вшиися Твое́ю спаси́тельною стра́стию и кро́вию, е́юже искупи́л еси́ плене́наго челове́ка, та́мо ве́рою усо́пшыя упоко́й, я́ко Человеколю́бец, проща́яй согреше́ния: Еди́н бо безгре́шен на земли́ пожи́л еси́ свя́т вои́стинну, Еди́н во уме́рших свобо́дь

— ГЛАС 5

ГЛАС 6

СУББОТУ ВЕЧЕРА
На Господи воззвах стихиры - Сла́ва си́ле Твое́й, Го́споди, я́ко упраздни́л еси́ держа́ву иму́щаго сме́рти; обнови́л еси́ на́с Кресто́м Твои́м, да́руя на́м живо́т и нетле́ние.
На стиховне стихиры, Богородичен - Творе́ц и Изба́витель мо́й, Пречи́стая, Христо́с Госпо́дь из Твои́х ложе́сн проше́д, в мя́ Оболки́йся, пе́рвыя кля́твы Ада́ма свободи́. 

НЕДЕЛЯ НА ПОЛУНОЩНИЦЕ
Песнь 3 - Па́жить потреби́ тли́, челове́к по существу́ бы́в Бо́г мо́й, во утро́бе Твое́й, Чи́стая: и родонача́льники пре́ждняго осужде́ния Еди́н свободи́.

КАНОН ВОСКРЕСЕН
Песнь 1, Богородичен - Прича́щшися Е́ва саду́, преслуша́ннаго бра́шна, кля́тву введе́: но сию́ разре́шила еси́, Чи́стая, благослове́ния нача́ток Христа́ Ро́ждши
Песнь 3 - Во гро́бе тридне́вствовавый воскреси́л еси́ животворя́щим воста́нием Твои́м пре́жде умерщвле́нныя, и осужде́ния разреши́вшеся ра́достно веселя́хуся, се́ избавле́ние прише́л еси́, Го́споди, взыва́юще
Песнь 5, КрестоВоскресний - Сне́дию дре́ва во Еде́ме прельсти́выйся в тлю́ поползе́ родонача́льник, преслу́шавый, Го́споди, за́поведи Твоя́, Преблаги́й: но сего́ Кресто́м па́ки возве́л еси́ в пе́рвую добро́ту, послушли́в Отцу́ Спа́се бы́вый.
Песнь 6 - Распина́емь, Влады́ко, гвоздьми́ у́бо кля́тву ю́же на на́с потреби́л еси́: копие́м же пробода́емь в ребро́, Ада́мово рукописа́ние растерза́в, ми́р свободи́л еси́.
Умерщвля́ется сме́рть, и тле́ние упражня́ется Ада́мова осужде́ния, о Влады́чице!
Песнь 7 - О, стра́ннаго о́браза! Изра́иля Избавле́й от рабо́ты фарао́нския, распина́ется во́лею от него́, и разреша́ет вери́ги согреше́ний.
Е́вы дре́вния свобожде́ние ро́ждшая от кля́твы, разреша́еши Ада́ма, Де́во Чи́стая. Те́мже со а́нгелы Тя́, с Сы́ном Твои́м пое́м и вопие́м: Изба́вителю Бо́же, благослове́н еси́.

ВТОРНИК УТРА
Песнь 7 - Руко́ю показу́еши Проро́че, А́гнца Бо́жия, ми́ра взе́млющаго грехи́

ВТОРНИК ВЕЧЕРА
На стиховне стихиры - Кре́ст Тво́й, Го́споди, ра́й отве́рзу ро́ду челове́ческому

СРЕДУ УТРА
По 2-м стихословии седальны - Го́споди, осуди́ша Тя́ иуде́и на сме́рть, Жи́знь все́х. И́же Чермно́е мо́ре жезло́м проше́дшии, ко Кресту́ Тя пригвозди́ша; и от ка́мене ме́д сса́вшии, же́лчь Тебе́ принесо́ша. Но во́лею претерпе́л еси́, да на́с свободи́ши от рабо́ты вра́жия
По 3-м стихосло́вии седа́льны - Дре́во принесе́ тле́ние во Еде́ме родонача́льнику: Кре́стное же Дре́во жи́знь процвете́ на ло́бнем ме́сте: и́бо попра́на бы́сть зло́ба вра́жия: поми́лован же бы́сть пригвожде́нием Христо́вым, и обре́те ра́й, вопия́ Ада́м: о Дре́во благослове́нное!
Песнь 1 - Ты́ дла́ни просте́р на Кресте́, объя́л еси́, Влады́ко, отринове́нныя челове́ки, и к Твоему́ приве́л еси́ Отцу́: я́ко Сы́н возлю́блен и единосу́щен.
Богородичен - Да безстра́стие все́м, и́же из Ада́ма, исхода́тайствуеши, Влады́ко, стра́сть терпи́ши на Кресте́: и зря́щи Тя́ земля́ тряса́шеся, рыда́ющи ма́терски вопия́ше, Влады́чице.
Песнь 3 - Беси́вшеся непра́веднии лю́дие, Тебе́ пра́веднаго еди́наго осуди́ша на сме́рть, оправда́юща земны́я
Песнь 4 - Вяза́ху ру́це Твои́, Спа́се, лю́дие законопресту́пнии, и свя́заннии нереши́мых у́з вси́ отпуща́еми быва́ху
Песнь 5 - Мари́е, Влады́чице все́х, изба́ви мя́ я́ко ми́лостива, стра́шнаго плене́ния, молю́ся: и греха моего́ рукописа́ние раздери́, копие́м вопло́щшагося из Тебе́

ПЯТОК УТРА
По 3-м стихосло́вии седа́льны - На дре́ве кре́стнем милосе́рдия ра́ди и ми́лости возне́слся еси́ и в ребро́ прободе́н бы́в копие́м, растерза́л еси́ грехо́вное лю́тое рукописа́ние, я́ко всеси́льный Бо́г.
Песнь 1 - Стра́стию Твое́ю честно́ю почти́л еси́ обезче́стенное естество́ челове́ческое: те́мже чту́ще Тя́ со стра́хом, велича́ем держа́ву Твою́, и ве́рно сла́вим: сла́вно бо просла́вися.
Песнь 4 - Просте́ртие руки́, Го́споди, неудержа́нное, ко дре́внему вкуше́нию оте́мляй, ме́ртв на Дре́ве пожре́н бы́л еси́, спасти́ восхоте́вый: из ре́бр иска́паеши свя́занным оставле́ние.
Песнь 5 - Ада́ма пе́рваго пригвозди́ти хотя́ стра́стная любле́ния, гвоздьми́ пригвожда́ешися, и копие́м пробо́дься, пла́менному оружию возбраня́еши, Христе́, не возбрани́ти рабо́м Твои́м вхо́да.
Песнь 6 - Пременя́я ру́це дре́вле Иа́ков прообразова́ше Кре́ст, благословля́я о́троки. Те́мже Вы́шний на того́ восходя́й, кля́твы дре́вния реши́ши челове́чество: и источа́еши ны́не благослове́ние, благословя́щым Тя́, Еди́не благослове́нне, и Соде́телю Преблаги́й.

СУББОТУ УТРА
Песнь 7 - Избáвльшиися Твое́ю кро́вию му́ченицы, пе́рваго преступле́ния, окропи́вшеся же свое́ю кро́вию, прообразу́ют я́ве Твое́ заколе́ние, благослове́н еси́ Бо́же оте́ц на́ших
Песнь 9, Богородичен - Се́нь святу́ю, Чи́стая, ве́мы Тя́, и ковче́г, и скрижа́ли, зако́на и благода́ти: Тебе́ бо ра́ди оставле́ние дарова́ся, оправда́ным кро́вию Воплоще́ннаго из Твоего́ чре́ва, Всенепоро́чная.

На стихо́вне стихи́ры поко́йны - Ты́ бо за все́х пролия́л еси́ кро́вь Твою́, Спа́се, и живоно́сною цено́ю ми́р искупи́л еси́.

— ГЛАС 6

ГЛАС 7

СУББОТУ ВЕЧЕРА
Богородичен догматик - Αὐτὸν ὡς Λυτρωτήν, καὶ Σωτῆρα τοῦ γένους ἡμῶν, Θεομῆτορ αἴτησαι, καταπέμψαι ἡμῖν, τῶν οἰκτιρμῶν αὐτοῦ, τὸ μέγα ἔλεος.

НЕДЕЛЮ УТРА
Песнь 1 - Осуди́ся сме́ртное мучи́тельство Дре́вом, непра́ведною сме́ртию осужде́ну Ти́, Го́споди: отню́дуже кня́зь тьмы́ Тебе́ не одоле́в, пра́ведно изгна́н бы́сть.
Песнь 3 - Ты́ возше́д на Дре́во, о на́с боле́знуеши во́лею, благоутро́бне Спа́се, и терпи́ши я́зву, примире́ния хода́тайственну, и спасе́ния ве́рным: е́юже Твоему́, Ми́лостиве, вси́ примири́хомся Роди́телю.
Песнь 4 - На кресте́ воздви́жен бы́л еси́, и пра́отца Ада́ма разреши́л еси́ гре́х
Песнь 6 - На кресте́ возне́сся, Спа́се, во́лею, вра́жию плени́л еси́ держа́ву, на се́м пригвозди́в грехо́вное, Бла́же, рукописа́ние.
Икос - ..Да воскли́кнем и возопии́м ко Ада́му, и к су́щым из Ада́ма: дре́во сего́ па́ки введе́.
Песнь 7 - Дре́вом умерщвля́ется Ада́м, во́лею преслуша́ние соде́лав: послуша́нием же Христо́вым па́ки обновля́емь е́сть. Мене́ бо ра́ди распина́ется Сы́н Бо́жий, препросла́вленный.
(Крестовоскресний) И́же на дре́ве кре́стнем грехо́вное жа́ло притупи́в, и Ада́мова преступле́ния рукописа́ние разруши́в копие́м ребра́ Твоего́, благослове́н еси́, Го́споди Бо́же оте́ц на́ших.
Песнь 8 - Пречи́стый А́гнец слове́сный за ми́р закла́н бы́в, преста́ви я́же по зако́ну приноси́мая, очи́стив сего́ кроме́ прегреше́ний я́ко Бо́г, при́сно зову́ща: вся́ дела́ Госпо́дня Го́спода по́йте, и превозноси́те во вся́ ве́ки.
На Литургии - На Кре́ст возне́сся, Ще́дре, Ада́мово рукописа́ние дре́вняго греха́ загла́дил еси́
Пригвозди́л еси́ на Кресте́, Ще́дре, грехи́ на́шя, Христе́

ВТОРНИК УТРА
Песнь 7 - Разреши́вшеся от ну́жд теле́сных, разреши́сте пре́лести у́зы, и ко Христу́ кре́пкою любо́вию му́ченицы ду́ши привяза́сте, связа́вшемуся пло́тию, и разруши́вшему кля́тву.

ВТОРНИК ВЕЧЕРА
На Господи воззвах стихиры - Дре́во изгна́ мя дре́вле из рая́, ны́не же дре́во к раю́ возведе́, Тебе́ распе́ншуся, Христе́.

СРЕДУ УТРА
По 2-м стихосло́вии седа́льны - Огня́ светле́йшее, и пла́мене де́йственнейшее дре́во показа́л еси́, Христе́, Креста́ твоего́, попаля́ющее грехи́ челове́ков
Песнь 1 - Распя́тие Влады́ка поноша́емь терпи́т, челове́ков оте́мля поноше́ния, я́ко Человеколю́бец: копие́м в ре́бра пробода́ется, си́м закала́я врага́ бори́теля.
Богородичен - Раздра́ся рукописа́ние Ада́мово, вопия́ше Пречи́стая Влады́чица, копие́м Сы́не прободе́ну Ти́ бы́вшу: те́мже воспева́ю Твое́ страда́ние, все́м источи́вшее безстра́стие, Влады́ко.
Песнь 3 - Пропны́й не́бо я́ко ко́жу, на дре́ве распросте́рл еси́ ру́це, Иису́се, руки́ неудержа́ние Ада́мова греха́ исцеля́я, я́ко ми́лостив, и исхища́я все́х от руки́ льсти́ваго борца́.
Тебе́ те́рнием, Царю́, лю́дие законопресту́пнии венчава́ют, сла́вою венча́вшаго челове́ки, и преслуша́ния Ада́мова те́рние искорени́вшаго, Христе́, и насади́вшаго все́м богоразу́мия
Песнь 4 - За сме́ртных умира́еши, Животе́, за непра́ведныя, Иису́се мо́й пра́ведный, стра́сть терпи́ши поно́сную
Песнь 6 - Изба́вителю сы́й Еди́не, це́ну Твою́ вда́л еси́ спаси́тельную Кро́вь, и искупи́л еси́ плене́ныя ны́, Преблаги́й, и Твоему́ Роди́телю приве́л еси́, уби́в Кресто́м, Христе́, мучи́теля.
Песнь 7 - Зако́нныя кля́твы изба́вихомся вси́: Законода́вец бо воздви́жеся на Кре́ст, благослове́ние приснотеку́щее и благода́ть, и ми́лость, и тле́нию источи́в потребле́ние.
Песнь 9 - Кре́пость вра́жия отню́д оскуде́, Тебе́ кре́пко на Дре́ве си́льне возопи́вшу к пребезнача́льному Отцу́ Твоему́, и созва́вшу расточе́нныя о́вцы Твоя́, Влады́ко Христе́, к Твоему́ позна́нию.
На Литургии - Распросте́рл еси́ на Кресте́ дла́ни, просте́ртия руки́ Ада́мовы к Дре́ву сне́дному, исправля́я поползне́ние

ЧЕТВЕРТОК ПОВЕЧЕРИЕ
Песнь 8 - Созда́вшаго Ада́ма по о́бразу, и от смеше́ния его́ проше́дша, и разре́шша пе́рвую кля́тву, по́йте свяще́нницы, Го́спода, и превозноси́те Его́ во ве́ки

ПЯТОК УТРА
По 3-м стихосло́вии седа́льны - И́же Ада́мово осужде́ние Дре́вом Креста́ исцели́вый
Песнь 3 - На Кресте́ посреде́ разбо́йников, Сло́ве, непра́ведно воздви́глся еси́, и оправда́л еси́ ве́рою позна́вшаго Тебе́ Зижди́теля всея́ тва́ри, во́лею стра́ждуща.
Песнь 6 - Дре́вом дре́вле Ада́м осуди́ся: Дре́вом же ны́не кре́стным оправда́ся, вхожде́ние прие́м в ра́й, и сла́дости восприя́тие.
Песнь 7 - Тяготу́ облегча́я беззако́ний мои́х, посреде́ беззако́нных воздви́глся еси́ на Кре́ст, преблаги́й Го́споди, превозноси́мый отце́в Госпо́дь, и Бо́г благослове́н еси́.
Копие́м пробо́дься в Боже́ственная ре́бра Твоя́, и ре́бренное поползне́ние испра́вил еси́, Спа́се, пла́менному же ору́жию дава́ти ми́ вхо́д рая́ повелева́еши всегда́.
Осужде́ннаго бы́вша Ада́ма, и сме́ртию держи́ма, Ада́м вторы́й, Пречи́стая, Тобо́ю поми́ловав призва́
Песнь 8 - Те́рнием венча́ законопресту́пный со́нм Тя́, Царю́, преслуша́ния искоренева́юща те́рние Ада́ма первозда́ннаго

Суббота утра
Песнь 9 - Изба́ви огня́ ве́чнаго, Влады́ко, от на́с преста́вльшыяся: ре́бр Твои́х копие́м грехо́вное рукописа́ние растерза́в си́х
Стихиры мертвены - Зако́на исполне́ние родила́ еси́, изба́вителя пло́тию бы́вшаго: не бо бы́сть су́щым пре́жде в зако́не оправда́ние: Христо́с же на́с ра́ди распя́тся и оправда́

Ты́ бо за все́х пролия́л еси́ кро́вь Твою́, Спа́се, и живоно́сною цено́ю ми́р искупи́л еси́.

— ГЛАС 7

ГЛАС 8

СУББОТУ ВЕЧЕРА
На стиховне стихиры - τάφῳ δὲ διαφθορὰν οὐκ οἶδε τὸ ἅγιον σῶμα, τοῦ Λυτρωτοῦ τῶν ψυχῶν ἡμῶν

НЕДЕЛЮ УТРА
Песн 3 - Осужде́на бы́вша Ада́ма вкуше́нием греха́, пло́ти Твоея́ спаси́тельною стра́стию оправда́л еси́, Христе́: Са́м бо непови́нен сме́ртнаго иску́са бы́л еси́, Безгре́шне.
Песнь 4 - Кто зря, Владыко, ныне не ужасается, / страстию смерть разрушаему; / Крестом бежащее тление, / и смертию ад богатства истощаваемый
Песнь 6 - Сме́рти Изба́витель вкуси́, дре́вняго осужде́ния, я́ко да и тле́ния ца́рство разруши́т
На хвалитех стихиры - Пострадал еси Крестом, Безстрастный Божеством, / погребение приял еси тридневное, / да нас свободиши от работы вражия
...кто́ Се́й е́сть, я́ко не осужда́ется в преиспо́дних земли́...
На Литургии - На дре́ве пригвожде́н бы́в Спа́се на́ш во́лею, я́же от дре́ва кля́твы Ада́ма изба́вил еси́
Слы́ши, Ада́ме, и ра́дуйся со Е́вою: я́ко обнажи́вый пре́жде обоя́, и пре́лестию взем вас пле́нники, Кресто́м Христо́вым упраздни́ся.

ВТОРНИК ВЕЧЕРА
На Господи воззвах стихиры - Страда́ти претерпе́л еси́, Влады́ко, я́ко да безстра́стие все́м пода́си, покланя́ющымся Твои́м страсте́м, и во́льному заколе́нию, и копию́, и гвозде́м, и тро́сти, я́же долготерпели́вно хотя́ претерпе́л еси́: я́ко да и мне́ исхода́таиши, Го́споди, ра́ди страсте́й Твои́х безстра́стие.
Собо́р непра́ведный Тебе́ на Кре́ст воздви́же А́гнца, взе́млющаго ми́ра прегреше́ния

ВТОРНИК ПОВЕЧЕРИЕ
Песнь 4 - Лука́вое грехо́в мои́х рукописа́ние раздери́, Пречи́стая, Боже́ственным копие́м, пробо́дшим Боже́ственная ре́бра, вочелове́читися из Тебе́ Восхоте́вшаго

СРЕДУ УТРА
По 2-м стихосло́вии седа́льны, КрестоБогородичен -  “увы́ мне́ Ча́до сладча́йшее, ка́ко во́лею ра́спят бы́сть, и́же грехи́ взе́мляй ми́ра я́ко благоутро́бен”
Песнь 1 - Благослове́н Пло́д, Богоневе́сто, Твоего́ чре́ва, И́мже земни́и вси́ от кля́твы изба́вихомся
Песнь 3 - Утвержде́й небеса́, и зе́млю основа́вый, и мо́ре сло́вом связа́вый, Ты́ свя́зан бы́л еси́ мене́ ра́ди, и на Кресте́ пригвожда́емь: я́ко да от у́з греха́ разреши́ши мя́, Человеколю́бче.
Кре́стному дре́ву вра́г прирази́вся, умертви́ся с бе́сы свои́ми злоде́йственными: и вкуше́нием лука́вым осужде́нный, поми́лован бы́сть, и утвержде́нием благоче́стия тва́рь утверди́ся.
Песнь 7 - Пригвожде́н бы́л еси́ в ру́це Твои́ и но́зе гвоздьми́, Спа́се, распина́емь, и в ре́бра прободе́н бы́в, ка́пли источа́я все́м оставле́ния
Песнь 8 - Из ко́рене, Христе́, прозя́бл еси́ Иессе́ова воплоща́емь, и искореня́еши изра́стшее те́рние Ада́мова преступле́ния, вене́ц нося́й терно́в: на Дре́ве же пригво́ждься, ю́же от дре́ва исцеля́еши изра́стшую кля́тву
На Литургии - Дре́вле Иа́ков благословля́я о́троки, сы́ны сыно́в свои́х, ру́це пременя́я простира́ше, зна́меная Тво́й Кре́ст, Христе́ Спа́се, и́мже вси́ от кля́твы свободи́хомся.

СРЕДУ НА ПОВЕЧЕРИИ
Песнь 9 - Побежда́ющую е́реси ю́ношския, честну́ю Це́рковь покажи́, ю́же Христо́с Сы́н Тво́й, Обра́дованная, Кро́вию честно́ю Свое́ю я́ко Бла́г стяжа́, и спасе́ от бе́д и от наси́лия одержа́щаго на́с, Влады́чице.

ПЯТОК УТРА
По 3-м стихосло́вии седа́льны - Обоже́ния ло́жнаго упова́ния родонача́льник тле́ния, я́же от него́ все́м вино́вен яви́ся. Ты́ же Кресто́м Твои́м жи́знь источа́еши я́ко Преблаги́й: во́лею бо пригвожде́н бы́л еси́, да от пе́рваго разреши́ши осужде́ния. Те́мже воспева́ем Твою́, Христе́, во́льную стра́сть.
Песнь 4 - Кресто́м Твои́м, Спа́се, ра́й отве́рзеся, и осужде́нный челове́к па́ки вни́де въ о́нь, Твою́ велича́я благосты́ню.
Песнь 6 - Кре́ст водрузи́ся на ме́сте ло́бнем посреде́ земли́, и посреде́ рая́ прозя́бшую дре́вом я́зву исцели́: Месси́а бо Иису́с посреде́ беззако́нных разбо́йник, Еди́н Пра́ведный яви́ся
Песнь 8 - Благослови́тся дре́во, и́мже вся́ потреби́ся я́же во Еде́ме ле́стная кля́тва, возра́стшая сне́дию лука́вою дре́ва, и Христо́с возно́сится препросла́вленный, и́же вознести́ся на не́м во́лею Свое́ю восхоте́вый за милосе́рдие.
Свяще́нно во премене́нии рука́ма, Присносла́вный, благословля́я вну́ки иногда́, о́браз явля́я свяще́ннаго дре́ва, и́мже благослове́ние все́м дарова́ся, прокля́тым зло́ю дре́ва сне́дию
Да испра́вится мольба́ моли́твы моея́ ко Го́споду, из утро́бы Твоея́ произше́дшему, Влады́чице: и от преступле́ния за́поведей да изба́вит мя́, и осужде́ния и кля́твы зако́нныя, и скве́рну да отмы́ет лю́тых мои́х прегреше́ний, я́ко Еди́н Ми́лостив.
Песнь 9 - Свяще́ннейше Тя́ вознося́ще, Ще́дре, покланя́емся Твоему́ Кресту́, копию́ же и гу́бе, и тро́сти, и в руку́ вонзе́нным и в ногу́ святы́м гвозде́м, Влады́ко: и́миже обрето́хом соверше́нное оставле́ние, и ра́йскаго жития́ сподо́бихомся.
О ка́ко непра́ведно осужде́н бы́л еси́ пригвозди́тися на дре́ве распина́емь, пра́веднейший еди́не все́х Царю́, оправда́ти все́х ищя́й, ве́рою сла́вящих страда́ния Твоя́ во́льная

СУББОТУ УТРА
Песнь 5, Богородичен - Упраздни́ла еси́, Чи́стая, пра́отец осужде́ние, все́х оправда́вшаго пло́тию ро́ждши Иису́са еди́наго Го́спода.
Очище́ние на́м яви́лся еси́, пра́вда же и избавле́ние, и я́звою Твое́ю на́шя не́мощи уврачева́л еси́.
Песнь 6 - Разреша́я Е́вину кля́тву, в Пренепоро́чную всели́лся еси́ Де́ву, благослове́ния исто́чник источа́я вопию́щим: благослове́н, Пречи́стая, Пло́д Твоего́ чре́ва.

На стиховне стихиры покойны - Свяще́нствовав я́ко челове́к, закла́н бы́в я́ко А́гнец, приноше́ние приноси́лся еси́ Отцу́

— ГЛАС 8

ПРАЗДНИЧНАЯ МИНЕЯ

Предпразднство Рождества Пресвятой Богородицы

Песнь 4 - Превы́шшая А́нгелов на земли́ Отрокови́ца ражда́ется,/ в святы́ни су́щи и чистоте́ без разсужде́ния,/ я́же очище́ние всех, Христа́, ражда́ет,/ освяще́ние и всесоверше́нное избавле́ние.

Песнь 9 - Предо́брая дво́ица прозябе́, Иоаки́м и А́нна, Ю́ницу нескве́рную,/ из Нея́же Юне́ц упита́нный проше́д, за мир закла́ся,/ е́мляй прегреше́ния челове́ков, приноси́мыя же разоря́я же́ртвы де́моном.

— Утреня

РОЖДЕСТВО ПРЕСВЯТОЙ БОГОРОДИЦЫ

Тропарь - Рождество́ Твое́, Богородице Де́во,/ ра́дость возвести́ всей вселе́нней:/ из Тебе́ бо возсия́ Со́лнце пра́вды Христо́с Бог наш,/ и, разруши́в кля́тву, даде́ благослове́ние

Песнь 3, Седален - Не ктому Адам осуждается, / и Ева от уз свободися, / и сего ради зовем, вопиюще со дерзновением единей Чистей: / радость возвещает рождество Твое всей вселенней

Песнь 5 - Днесь Ева разрешается осуждения, / разрешается же и неплодство, / и Адам древния клятвы о рождестве Твоем

Песнь 6 - Неплоды и матери, ликуйте, / дерзайте и играйте, безчадныя: / безчадна бо неплоды Богородицу прозябает, / Яже избавит от болезней Еву и клятвы Адама

Песнь 7 - Празднуем, Чистая, / и верно покланяемся святому Твоему Рождеству, / поюще Сына Твоего, / Имже избавихомся древняго Адамова ныне осуждения.
Адам свободися, и Ева ликует, / и вопиют духом к Тебе, Богородице: / Тобою избавихомся первородныя клятвы, / явльшуся Христу.
Ты Бога едина родила еси, Дево, преславно, / Ты естество обновила еси Рождеством Твоим, Марие, / Ты Еву разрешила еси первородныя клятвы, / Богородительнице Чистая.

Песнь 9 - Напраснаго древняго Отъятельницу осуждения и праматере исправление, / Юже рода к Богу вину присвоения, к Зиждителю мост

Снедию древа роду прибывшая смерть / Крестом упразднися днесь, / ибо праматерняя всеродная клятва разрушися / прозябением Чистыя Богоматере

— Утреня

БЛАГОВЕЩЕНИЕ

Хвалитны псалмы - Пресущественное Слово, / плотию вселився в Тя / Отчим советом, Богородице Дево, / назда род, иже по нам, / падший от древния клятвы

— Вечерня

Неделя святых Праотцев

Тропарь воскресен - Верою праотцы оправдал еси

— Неделя святьıх праотцев

Неделя святых отцев

Песнь 8 - Твое заколение предъизобразуя, Авраам, Христе, / егоже роди сына, на горе повинуяся Тебе, Владыко, / якоже овча, взыде пожрети хотяй верою; / но возвратися, радуяся, с ним, / и славя, и превознося Тя, Избавителя мира.

С рабы написался еси вольно, Владыко, кесареву повинуяся закону, / яко да человечество от работы лукаваго, Боже, свободиши, Многомилостиве.

— Утреня

Предпразднство Рождества Христова

Песнь 4 - Се приходит Дева, яко юница, / носящи юнца во чреве упитаннаго, отъемлющаго мира грехи

На хвалитех стихиры - Христос бо из Девы воплощается яко Человек, / Иже, Адама обновив, отъят клятву

Царские часы, 6-й час, тропари : в Вышних слава Богу, / сущему в Троице, / Егоже ради в человецех благоволение явися, Адама избавляя первородныя клятвы, яко человеколюбец

— Утреня

РОЖДЕСТВО ГОСПОДА БОГА И СПАСА НАШЕГО ИИСУСА ХРИСТА

Стихиры на стиховне - Весели́ся, Иерусали́ме,/ торжеству́йте, вси, лю́бящий Сио́на:/ днесь вре́менный разреши́ся соу́з осужде́ния Ада́мова

— Великое Повечерие

Песнь 1 - Изнесе чрево священное Слово, яве неопально живописанное купиною, / смешена зраком человечим Бога, / Евы окаянную утробу клятвы древния разрешающее горькия, / Егоже, земнии славим.
Песнь 5 - В рабех кесаревым повелением написатися покорься, / и нас, рабы сущия, врага и греха свободил еси, Христе
Лю́тую вражду́, ю́же к нам Влады́ка отсека́я па́ки плотски́м прише́ствием,/ да держа́щаго разруши́т душетле́ющаго
Песнь 6 - Прииде, воплощься, Христос Бог наш из чрева, / Егоже Отец прежде денницы раждает; / правления же держа пречистых сил, / в яслех скотиях возлежит и пеленами повивается, / разрешает же многоплетенныя пленицы прегрешений.
Песнь 9 - Величай, душе моя, / Избавльшую нас от клятвы.

На хвалитех стихирьı - Богородице Дево, рождшая Спаса, / упразднила eси первую клятву Eвину

— Утреня

Входное - Ты Иерей во век по чину Мелхиседекову

— На Литургии

Собор Пресвятой Богородицы

На хвалитех стихиры - Богородице Дево, рождшая Спаса, / упразднила eси первую клятву Eвину, / яко Мати была eси благоволения Oтча, / носящи в недрех Божие Слово воплощенное.

— Утреня

Неделя после Рождества Христова

Песнь 5 - Праведен быв, шествовал еси / правыми путями Владыки праведнаго, / праведно судившему ти, всеблаженне, / верно послужити толико страшному таинству / неизреченного рождества, / имже, человецы, оправдихомся.

— Утреня

Обрезание Господне

Песнь 6 - Прия́т коне́ц зако́н, отне́леже Христо́с, младе́нствовав, исполни́тель зако́на Сы́й, обре́зание восприя́т и разреши́ зако́нную кля́тву.

Хвалитны - Терпи́т обре́зание пло́тию/ из Отца́ кроме́ сече́ния же и тле́ния/ неизрече́нно ро́ждься я́ко Слово/ и я́ко Бог от Бо́га, в непрело́жнем пребыва́яй Божестве́./ Тем по зако́ну па́че зако́на бы́вый/ кля́твы зако́нныя избавля́ет вся/ и свы́ше благослове́ние да́рует.

— Утреня

СРЕТЕНИЕ ГОСПОДА БОГА И СПАСА НАШЕГО ИИСУСА ХРИСТА

На литии стихиры самогласны, глас 1.

Иоанна монаха: Днесь древле Моисею в Синаи закон подавый / законным повинуется велением, / нас ради, яко Милосерд, по нам быв. / Ныне Чистый Бог яко Отроча Свято, ложесна разверз чистыя, / Себе Самому яко Бог приносится, / законныя клятвы свобождая / и просвещая души наша

— Велицей вечерни

Тропарь - Радуйся, Благодатная Богородице Дево, из Тебе бо воссия Солнце правды, Христос Бог наш, просвещаяй сущия во тьме. Веселися и ты, старче праведный, приемый во обятия Свободителя душ наших

Канон, Песнь 1 - Ра́зумом просте́ртая Небеса́, весели́теся, и ра́дуйся, земле́, из Пребоже́ственных бо не́др Хитре́ц проше́д Христо́с, Ма́терию Де́вою Бо́гу Отцу́ прино́сится Младе́нец, И́же пре́жде все́х, сла́вно бо просла́вися.

— Утреня

Предпразднство Богоявления

Песнь 4 - Вопию́щаго глас проро́чески пусты́м возшуме́ помышле́нием:/ угото́вайте пути́ пра́выя Христу́ гряду́щему, глаго́лющ,/ я́ко да Креще́нием очи́стит обветша́вших ны,/ разреша́я пе́рвое осужде́ние.
Песнь 5 - Мира, Христе, сый Царь, / вражды средостение разорил еси, / плоти подобием явився сущим на земли.
Песнь 6 - Милосердие щедрот Христос показуя, / в рабии зраце Непременный приходит к рабу, прося Крещения, / от работы восхищая человечество

На хвалитех стихиры - Взе́мляй на́ша грехи́ на ра́мена,/ прише́л еси́, Иису́се, к струя́м Иорда́нским,/ аз же ужасо́хся Твоего́ стра́шнаго прише́ствия./ Ка́ко у́бо ми вели́ши крести́ти Тя?/ Сам мя очи́стити прише́л еси́./ И ка́ко Креще́ния от мене́ про́сиши,/ всех Очище́ние?

С трепетом служа Иоанн Владыце, / радуется душею и вопиет с веселием: / срадуйтеся мне, вси роди праотца, / прииде бо чаяние наше, / прииде на Иордан Христос, / вся от греха Адамова очистити, яко Благоутробен.

— Утреня

Царские Часы Богоявления

Час 1-й Яко Человек на реку пришел еси, Христе Царю, / и рабское Крещение прияти тщишися, Блаже, / от Предтечеву руку / грех ради наших, Человеколюбче
Ко гласу вопиющаго в пустыни: / уготовайте путь Господень, / пришел еси, Господи, зрак рабий приим, / Крещения прося, не ведый греха. / Видеша Тя воды и убояшася. / Трепетен бысть Предтеча и возопи, глаголя: / како просветит светильник Света? / Како руку положит раб на Владыку? / Освяти мене и воды, Спасе, / вземляй мира грех.

Час 3-й Предтечи, и Крестителя, и пророка, / и паче всех почтена пророк, / трепеташе ныне рука десная, / егда виде Тебе, Агнца Божия, / очищающаго миру согрешения, / и, подвигом одержимь, вопияше: / не смею прикоснутися, Слове, верху Твоему, / Сам мя освяти и просвети, Щедре: / Ты бо еси Живот, и Свет, и Мир мирови. 

Час 6-й - Что возвращаеши твоя воды, о Иордане? / Что воспящаеши струи, / и не преходиши еже по естеству хождение? Не мощно ми терпети, – рече, – Огня, поядающаго мя. / Удивляюся и ужасаюся крайнему схождению: / яко не обыкох Чистаго измывати, / ни навыкох Безгрешнаго отирати, / но оскверненныя сосуды очищати, / терния попаляти ми согрешений учит / иже во мне крещаемый Христос. / Иоанн свидетельствует ми глас Слова, вопия: / се Агнец Божий, вземляй грехи мира. / Тому, вернии, возопиим: / явлейся Боже в наше спасение, слава Тебе

— Царские Часы

СВЯТОЕ БОГОЯВЛЕНИЕ

Спасти́ хотя́ заблу́ждшаго челове́ка,/ не не сподо́бился еси́ в ра́бий зрак облещи́ся:/ подоба́ше бо Тебе́, Влады́це и Бо́гу, восприя́ти на́ша за ны,/ Тебе́ бо кре́щшуся пло́тию, Изба́вителю,/ оставле́ния сподо́бил еси́ нас./ Те́мже вопие́м Ти:/ Христе́ Бо́же наш, сла́ва Тебе́.

— Великая вечерня, стихиры на Господи воззвах

Лития - Го́споди, испо́лнити хотя́,/ я́же уста́вил еси́ от ве́ка,/ от всея́ тва́ри служи́тeли та́йны Твоея́ прия́л еси́:/ от А́нгел – Гаврии́ла, от челове́к – Де́ву,/ от Небе́с – звезду́ и от вод – Иoрда́н,/ в не́мже беззако́ние мирско́е потреби́л еси́,/ Спа́се наш, сла́ва Тебе́.

— Повечерие

Канон, Песнь 5 - Ирмо́с: Иису́с, живота́ Нача́льник,/ разреши́ти осужде́ние гряде́т Ада́ма первозда́ннаго,/ очище́ний же, я́ко Бог, не тре́буя,/ па́дшаго очища́ет во Иорда́не,/ в не́мже вражду́ уби́в,/ преиму́щ всяк ум мир да́рует
Сшедшимся без числа людем от Иоанна креститися, сам посреде их ста, провозгласи же предстоящим: кто показа, непокоривии, гнева вам уклонитися хотящаго быти? Плоды достойны Христу сотворите, предстояй бо ныне мир дарует.
Канон 2, ин Ирмос - Врага темнаго и оскверненнаго яда / очищением Духа измовени, / к новой пристахом неблазненной стези, / вводящей в неприступную радость, Единем приступну, / имже Бог примирися.

— Утреня

ПРЕОБРАЖЕНИЕ ГОСПОДНЕ

Стихиры на Господи воззвах - Того́ послу́шайте,/ И́же Кресто́м а́да плени́вша

Стихиры на литии - И́же Све́том Твои́м всю вселе́нную освяти́в,/ на горе́ высо́це преобрази́лся еси́, Бла́же,/ показа́в ученико́м Твои́м си́лу Твою́,/ я́ко мир избавля́еши от преступле́ния

— Вечерня

РОЖДЕСТВО СВ. ИОАННА ПРЕДТЕЧИ

Стихиры на литии - Пропове́дник был еси́ А́гнца Бо́жия и Сло́ва,/ Иоа́нне проро́че и Предте́че,/ прорица́еши бу́дущая и предглаго́леши конце́м:/ се А́гнец Бо́жий, взе́мляй ми́ра грехи́/ и подая́й всем ве́лию ми́лость.

— Вечерня

Песнь 1 - О, преславных вещей Христова Предтечи! / Иже, прежде пелен познав пленицы наша Разрешшаго

Песнь 3, Седален - "..се бо прииде и явися Иисус, / вся хотя избавити от первыя клятвы.."

Песнь 6 - Свети́льник, Све́та прише́ствие предте́к,/ пропове́да А́гнца Бо́жия, Спа́са,/ свет возсия́вшаго земли́, естества́ же всего́ духо́вне преджре́на.

— Утреня

ИЗНЕСЕНИЕ ДРЕВА ЧЕСТНОГО И ЖИВОТВОРЯЩЕГО КРЕСТА ГОСПОДНЯ

Песнь 3 - Оружие древле жизни блаженное древо даровася хранити / за преслушание первозданнаго Адама, / Крест же сему путь сотвори
Песнь 4 - ты верным соодоление и Божественная жертва, / о Всечестный Кресте
Песнь 8 - Воплотися и, распят быв, смерть прием, / и решиши человеки от клятвы

Песнь 9 - Се Древо пресвятое крепкая надежда верным явися, клятвы избавление

— Канон

Усекновении главы святого пророка, предтечи и крестителя Господня Иоанна

Седален - От неплодове просияв судом Божиим и узы разрешив языка отча, / показал еси солнце, денницу озаряющее, / и людем в пустыни Зиждителя проповедал еси, Агнца, вземлющаго мира грехи...
Песнь 7 - Избавльшеся рождеством Твоим осуждения древняго падения, / явленную вину свобождения, Тя, Мати Дево, с Сыном Твоим, / давшим избаву о нас Себе, присно славим.
Песнь 8 - ..плене́ннии,– Изба́вителя Христа́ превозноси́те во вся ве́ки.

— Канон

ВОЗДВИЖЕНИЕ ЧЕСТНОГО И ЖИВОТВОРЯЩЕГО КРЕСТА ГОСПОДНЯ

Стихиры на велицей вечерни -
Прииди́те вси язы́цы, благослове́нному Дре́ву поклони́мся, и́мже бысть ве́чная правда: пра́отца бо Ада́ма прельсти́вый дре́вом Кресто́м прельща́ется, и па́дает, низве́ржен паде́нием стра́нным, мучи́тельством одержа́вый ца́рское зда́ние; Кро́вию Бо́жиею яд зми́ев отмыва́ется; и кля́тва разруши́ся осужде́ния пра́веднаго, непра́ведным судо́м Пра́веднику осужде́ну бы́вшу: Дре́вом бо подоба́ше дре́во исцели́ти и стра́стию Безстра́стнаго, я́же на Дре́ве, разреши́ти стра́сти осужде́ннаго...

Молитвы литии - Ра́дуйся, Госпо́день Кре́сте, и́мже разреши́ся от кля́твы челове́чество...

— Вечерня

Канон праздника, прп. Космы Маюмскаго
Песнь 3 - Ре́бром пречи́стым копие́м прободе́нным, Вода́ с Кро́вию истече́, обновля́ющая Заве́т и омыва́тельная греха́

Песнь 5 - Тебе́, приснопе́тое Дре́во, на не́мже простре́ся Христо́с, Еде́м храня́щее обраща́ющееся ору́жие, Кре́сте, устыде́ся: стра́шный же Херуви́м уступи́ на тебе́ пригвожде́нному Христу́, подаю́щему мир душа́м на́шим

— Утреня

Славных и всехвалных первоверховных апостол Петра и Павла

Стихиры Господи воззвах - Трикра́тным вопроше́нием,/ е́же: Пе́тре, лю́биши ли Мя?/ трикра́тное отверже́ние Христо́с испра́вил е́сть./ Те́мже и к Тайнове́дцу Си́мон:/ Го́споди, вся ве́си, вся зна́еши,/ Ты ве́си, я́ко люблю́ Тя./ Те́мже к нему́ Спас:/ паси́ о́вцы Моя́, паси́ избра́нныя Моя́,/ паси́ а́гнцы Моя́, я́же Мое́ю кро́вию снабде́х во спасе́ние.

— Вечерня

Песнь 5, Ирмос - Стяжа́вый ны, избра́нныя лю́ди/ Кро́вию Твое́ю, Го́споди,/ Твой мир да́ждь нам,/ во единомы́слии сохраня́я ста́до Твое́.

— Утреня

Начало индикта - церковное новолетие

Песнь 5 - На зе́млю прише́л еси́, Собезнача́льне Отцу́,/ пле́нником отпуще́ние, слепы́м же прозре́ние от Отца́ возвеща́я/ и вре́мя прия́тно.

Хвалитны - Ше́ствия Твоя́, Бо́же,/ ше́ствия ве́лия и чу́дна:/ тем строе́ния Твоего́ си́лу велича́ем,/ я́ко Свет от Све́та прише́л еси́ во окая́нный мир Твой/ и пе́рвую погуби́л еси́ кля́тву ветхаго Ада́ма,/ я́ко благоволи́л еси́, Сло́ве,/ и нам му́дростию времена́ и ле́та положи́л еси́,/ е́же сла́вити вседе́тельную Твою́ бла́гость:/ Го́споди, сла́ва Тебе́

— Утреня

Перенесение из Едессы в Константинополь Нерукотворенного Образа (Убруса) Господа Иисуса

Песнь 7 - Осужде́ния дре́вняго разреши́ся челове́чество Рождество́м Твои́м:/ Тя бо, еди́ну небе́с ши́ршую, обре́т, Всенепоро́чная,/ Бог в Тя всели́ся.
Песнь 9 - Изблева́ на Тя наро́д неразу́мный, Спа́се,/ и вме́сто благоде́тельства безме́стная де́рзостие Ти протяже́,/ но мы, и́же дале́че отстоя́щии, страстьми́ Твои́ми сыноположи́хомся.

— Канон

Обновления (освящения) храма Воскресения Христова в Иерусалиме - Предпразднство Воздвижения

Стихиры на стиховне - Ра́дуйся, слепы́х наста́вниче,/ немощны́х врачу́,/ воскресе́ние всех уме́рших,/ воздви́гнувый ны, во тлю па́дшия,/ Кре́сте честны́й,/ и́мже разруши́ся кля́тва, и процвете́ нетле́ние,/ и земни́и обожи́хомся,/ и диа́вол всеконе́чно низве́ржеся.

— Вечерня

Седален - Просте́р Моисе́й ру́ки к высоте́ небе́сней,/ прообразова́ше Крест, Боже́ственное ору́жие ве́рных,/ на не́мже Христо́с грехи́ пригвозди́.

Икос - Па́мять соверша́я обновле́ний,/ мудре́йший дре́вле Соломо́н Бо́гу/ живо́тных безслове́сных приноша́ше всесожже́ния и же́ртвы,/ егда́ же ны́не и́стина и Благода́ть прии́де на зе́млю,/ же́ртвы а́бие преложи́, же́ртвовав Же́ртву на спасе́ние на́ше в Себе́, я́ко Человеколю́бец./ Це́рковь освяти́ и непоколеби́му сию́ покажи́,/ Еди́н во святы́х Прославля́емый.

Светильны - Ю́же пречи́стою Кро́вию искупи́л еси́, Сло́ве,/ всечу́дную и всечестну́ю и Святу́ю Це́рковь обнови́ Ду́хом, Бла́же,/ и удобри́ заря́ми боже́ственнейшими, сла́вою прославля́я/ досто́йно Твоего́ хра́ма обновле́ние соверша́ющих.

— Утреня

Воспоминание великого и страшного трясения, бывшего в Царьграде (740)

Кондак - Избави тру́са тяжкаго всех нас, Го́споди,/ и язвы нестерпимыя грех ра́ди на́ших./ Пощади́, Го́споди, Православныя люди Твоя́,/ яже стяжа́л еси́ Твое́ю Кровию, Владыко

Песнь 5 - Люди и град, яже Твое́ю кровию стяжа́л еси́, Иисусе,/ не предаждь в погибель

— Утреня

Творения преподного Феофана Начертанного

Песнь 8 - Ты спасения всем Хода́таица, Богомати,/ яви́лася еси́, Едина Всепетая, Спа́са рождши Бо́жия,/ Бо́га Слова, избавльшаго нас древния клятвы

— Канон святому апостолу Иакову Алфееву

Креще́ние Руси́

Песнь 9, Ирмос - Ра́дуйся, Всецари́це, земноро́дных похвало́, / в после́дняя дни Спасе́ние на́ше ро́ждшая, / да от дре́вния кля́твы челове́ческий род свободи́ши, / те́мже вси немо́лчно Тя велича́ем.

— Утреня

Положение честной ризы Господа нашего Иисуса Христа в Москве

Тропар : Днесь притеце́м, ве́рнии,/ к Боже́ственней и цельбоно́сней ри́зе Спаси́теля на́шего Бо́га,/ благоизво́лившаго сию́ пло́тию носи́ти/ и на Кресте́ святу́ю Свою́ Кровь излия́ти,/ е́юже искупи́ нас от рабо́ты вра́жия

— Положение честной ризы Господа нашего Иисуса Христа в Москве

ТРИОДЬ ПОСТНАЯ

Субботу мясопустную

Твое́ю кро́вию челове́ки Спа́се искупи́вый

— Стихиры на Господи воззвах

Службы сырной седмицы Великого Поста

Песнь 3 - Просте́рл еси́ дла́ни на кресте́ Твое́м, умертви́л еси́ умерщвле́нием Твои́м кля́тву, оживи́л еси́ стра́стию Твое́ю челове́ки. Те́мже пое́м Твое́ боже́ственное распя́тие, Иису́се Человеколю́бче Бо́же на́ш.

Песнь 8 - Гвоздьми́ прибие́н на кресте́, и в ре́бра прободе́н Христе́ Спа́се мо́й, кля́твы изба́вил еси́ земноро́дныя, и ра́дости несконча́емыя о́бщники показа́л еси́: те́мже благослови́м человеколю́бие Твое́.

Песнь 9 - На кресте́ просте́р боже́ственныя дла́ни, совокупи́л еси́ пре́жде расточе́ныя, Изба́вителю: и Отцу́ осужде́ное хода́тайством я́ко да́р прине́сл еси́ существо́ челове́ков: сего́ ра́ди пое́м пречи́стое Твое́ распя́тие.
Гвоздьми́ боже́ственных Твои́х ру́к пригвозди́л еси́ Ще́дре на́ша грехи́ на кресте́: копие́м же ре́бр Твои́х растерза́л еси́ лука́вое писа́ние согреше́ний, и паде́ний лю́тых. Сего́ ра́ди пое́м пречи́стое Твое́ распя́тие.
На дре́ве кре́стнем во́лею пригво́ждься, все́х на́с свободи́л еси́ кля́твы зако́нныя: те́м Тя́ по до́лгу велича́ем Христе́.

Вси́ покланя́емся страсте́м Твои́м Спа́се, я́же во́лею восприя́л еси́, да свободи́ши ро́д челове́ческий рабо́ты вра́жия.

— В среду сырную

Песнь 8 - Го́рько объе́м первозда́нный, в раи́ дре́вле сне́дь безслове́сно, отве́ржеся и осужде́н, от сла́дости изгна́н бы́сть: но на дре́ве гвоздьми́ пригвожде́н, лука́вное писа́ние пригвозди́л еси́ греха́ его́. Те́мже Твое́ мно́гое благоутро́бие воспева́ем во вся́ ве́ки.

Песнь 9 - Недоуме́ет вся́кое естество́, а́нгелов и челове́ков, Твое́ благоутро́бие благодари́ти Благоде́телю: я́ко пло́тию хотя́ на́с ра́ди обнища́л еси́, и на дре́ве о на́с распросте́рлся еси́, кля́тва бы́в, да пе́рвую оты́меши кля́тву челове́чества.

— В пяток сыроястный на утрени

Неделя Сыропустная

Канон, Песнь 9 - Дерзаю множеству милости Твоея Христе Спасе, / и Божественных ребр Твоих крови, / еюже освятил еси естество человеческое, / отверзл же еси врата Тебе служащим райская Блаже, / прежде заключеная Адаму.

Ексапостиларий воскресный - Изгнана бывша Господи рая первее снедию древа, / ввел еси паки Крестом и страстию Твоею Спасе и Боже мой, / имже нас утверди пост совершити чистолепно, / и Божественному востанию поклонитися, Пасце спасительней, / Тя рождшия молитвами

НЕДЕЛЯ ПЕРВАЯ ВЕЛИКОГО ПОСТА. ТОРЖЕСТВО ПРАВОСЛАВИЯ

Песнь 9 - Взя́тся прама́тере Е́вы осужде́ние, Богоро́дице, / я́ко Ты всех Влады́ку несказа́нно, Чи́стая, родила́ еси́. / Его́же и ны́не подо́бие на ико́нах целу́ем.

— Утреня

Службы второй седмицы Великого поста

Песнь 3 - На Кресте́ дла́ни распросте́рл еси́, просте́ртыя дре́вле руки́ Ада́мовы к разу́мному са́ду, отъе́мля гре́х, за милосе́рдие щедро́т, Сло́ве Бо́жий преблаги́й.

Песнь 8 - Со беззако́нными вмени́тися, за мно́жество ми́лости изво́ливый, моя́ грехи́ загла́ди, я́ко да ве́рою Тя́ сла́влю во вся́ ве́ки.
Грехо́в мои́х рукописа́ние Твои́м раздери́ копие́м
Ты́ прободе́н пла́менное ору́жие отвраща́еши Христе́, и челове́ком отверза́еши па́ки ра́й

Песнь 9 - Увы́ мне́ душе́, стра́шное суди́лище, и Судиино́ стра́шное изрече́ние! потщи́ся пока́йся, Христу́ примири́ся, тебе́ ра́ди на Кресте́ пове́шенному, и изба́вльшему ве́рныя осужде́ния.

— среду утра

Песнь 9 - Мене́ осужде́наго спаси́, осуди́вый Кресто́м Твои́м Влады́ко Спа́се мо́й вражду́

— пяток утра

Службы третьей седмицы Великого поста

Песнь 8 - Суди́мь Судия́ пред суди́щем ста́л еси́, осужда́я вражду́ Кресто́м Твои́м, долготерпели́ве правосу́де.

— среду утра

Песнь 8 - Просте́рл еси́ на Кресте́ Христе́ Твои́ дла́ни, руки́ пра́отца невоздержа́нное потребля́я: Дре́вом же дре́ва исцели́л еси́ кля́тву.

— пяток утра

ТРЕТАЯ НЕДЕЛЯ ВЕЛИКОГО ПОСТА КРЕСТОПОКЛОННАЯ

Да Адамову потребиши клятву, / плоть нашу приемлеши кроме скверны, / распинаешися же и умираеши, Иисусе преблагий: / темже Крест Твой, и копие, губу же и трость, / гвоздие верно почитаем, / и Воскресение Твое видети просим.
Заключает Едем древом древле змий, / древо же Креста отверзает сей...
Разрешившеся уз / древняго осуждения, вернии / древом Креста, / на нем пригвожденнаго / Христа славословим
Гряди первозданная двоице, / лика отпадшая горних, завистию человекоубийцы, / горькою сластию древа, древле вкушением. / Се всечестное воистинну Древо предгрядет, / к немуже притекше радостию облобызайте, / и возопийте к нему с верою: / ты наше воззвание, Кресте всечестный, / древо Богоблаженное, саде небесный: / егоже плода причастившеся, нетление улучихом, / Едема перваго приемше известно, / и велию милость
Христе Боже наш, / вольное распятие во общее воскресение рода человеческаго восприемый, / и тростию Креста, обагрением червленым Своя персты окровавивый, / оставительная нам царски подписати человеколюбствовавый...

— Вечерня

Кондак : Не ктому пламенное оружие / хранит врат Едемских: / на тыя бо найде преславный соуз Древо крестное...

Глас 8: Днесь Владыка твари, и Господь славы, / на Кресте пригвождается и в ребра прободается, / желчи и оцта вкушает, сладость церковная: / венцем от терния облагается: / покрываяй небо облаки, / одеждею облачится поругания: / и заушается бренною рукою, / рукою создавый человека. / По плещема биен бывает, / одеваяй небо облаки. / Заплевания и раны приемлет, / поношения и заушения: / и вся терпит мене ради осужденнаго..

— Утреня

Службы четвертой седмицы Великого поста

Песнь 8 - Просте́рл еси́ ру́це на Дре́ве, руки́ неудержи́мыя разреша́я гре́х

— среду утра

Песнь 9 - Вознесы́й на́с па́дшия в сме́рть, Воскресе́нием Твои́м разреши́л еси́ бра́нь, и Отцу́ Твоему́ на́с примири́л еси́, о на́с кро́вь Твою́ излия́вый Благоде́телю

— пяток утра

Службы пятой седмицы Великого поста

Песнь 3 - Осуди́в вражду́, на Кресте́ просте́рл еси́ Твои́ правосу́де дла́ни: ны́не же осужде́нна мя́ су́ща прегреше́ньми, спаси́ блу́днаго Спа́се

— среду утра

Пригвожде́н Го́споди на Кресте́, Ада́мово рукописа́ние Боже́ственным копие́м растерза́л еси́

— четверг вечера

ВЕЛИКОГО ПОКАЙНОГО КАНОНА СВ. АНДРЕЯ КРИТСКОГО

Песнь 3- Ты еси́ Сла́дкий Иису́се, Ты еси́ Созда́телю мой, в Тебе́, Спа́се, оправда́юся.

— В Понедельник

Песнь 4 - Тело Твое и кровь распинаемый о всех / положил еси Слове: / тело убо, да мя обновиши: / кровь, да омыеши мя: / дух же предал еси, / да мя приведеши Христе, / Твоему Родителю.
Соделал еси спасение / посреде земли Щедре, / да спасемся. / Волею на Древе распялся еси. / Едем затворенный отверзеся, / горняя и дольняя тварь, / языцы вси спасени / покланяются Тебе
Да будет ми купель, / кровь из ребр Твоих, / вкупе и питие, / источившее воду оставления, / да обоюду очищаюся, / помазуяся и пия..

Чашу Церковь стяжа, / ребра Твоя живоносная, / из нихже сугубыя нам источи токи, / оставления и разума, / во образ древняго и новаго / двоих вкупе заветов, Спасе наш.

— В СРЕДУ ВЕЛИКОГО ПОСТА ПОКАЙНОГО КАНОНА СВЯТОГО АНДРЕЯ КРИТСКОГО

Песнь 1 - Агнче Божий, вземляй грехи всех, / возми бремя от мене тяжкое греховное

— В ЧЕТВЕРГ ВЕЛИКОГО ПОСТА ПОКАЙНОГО КАНОНА СВЯТОГО АНДРЕЯ КРИТСКОГО

СУББОТЫ АКАФИСТА

Песнь 1 - Христо́ву кни́гу одушевле́нную, запечатле́нную Тя Ду́хом, вели́кий арха́нгел, Чи́стая, зря возглаша́ше Ти: ра́дуйся, ра́дости прия́телище, Еюже прама́терняя кля́тва разреши́тся.

Песнь 3 - Юнице Юнца́ ро́ждшая непоро́чнаго, ра́дуйся ве́рным; ра́дуйся. Агнице, ро́ждшая Бо́жияго А́гнца, взе́млющаго ми́ра всего́ прегреше́ния

Песнь 4 - Законода́вца ро́ждшая и́стиннаго, ра́дуйся, Влады́чице, / беззако́ния всех ту́не очища́ющаго.

— Канон

Лазарева суббота

Канон, Песнь 9 - Почита́я Твоего́ Отца́, и показу́я, я́ко не богопроти́вен еси́, / моли́тву де́еши, Христе́, / самовла́стно воздви́г четверодне́внаго.

— Утреня

Вход Господен во Иерусалим

Седален по 1-м стихословии - С ве́твьми у́мно очище́ни душа́ми, / я́коже де́ти Христа́ восхва́лим ве́рно, / велегла́сно зову́ще Влады́це: / благослове́н еси́ Спа́се в мир прише́дый, / спасти́ Ада́ма от дре́вния кля́твы, / духо́вно быв, Человеколю́бче, Но́вый Ада́м, я́коже благоволи́л еси́, / вся, Сло́ве, к поле́зному устро́ивый, сла́ва Тебе́.

Песнь 1 - Из уст младе́нец незло́бивых и ссу́щих, / хвалу́ Твои́х раб соверши́л еси́, / разруши́ти супоста́та, / и отмсти́ти стра́стию Креста́, паде́ние дре́вняго Ада́ма, / дре́вом же воскреси́ти сего́, / пою́ща побе́дную песнь Тебе́, Го́споди.

— Утреня

СТРАСТНАЯ СЕДМИЦА

Великий Понедельник

Песнь 8 - Ка́ко не ужа́снется смерть, Спа́се мой? ка́ко не убои́тся ад, среты́й Тя, по благоизволе́нию к стра́сти тща́щагося, и о непра́ведных пра́ведна Тя ви́дя пострада́ти прише́дша?

— Малое повечерие

Седален по 2-ом стихословии - Невидимый Судие, в плоти како виден был еси, / и идеши от мужей беззаконных убиен быти, / наше осуждение осуждаяй страстию Твоею?...

Стихиры на стиховне - ...Ибо приидох Сам обнищавшему Адаму послужити, / и избавление дати за многих душу Мою, / вопиющих Ми: слава Тебе.

— Утреня

Великий Вторник

Седален - Милосердием движимь Христе, / волею предыдеши страдати благодетелю, / хотяй страстей нас избавити, и еже во аде осуждения. / Темже честная Твоя воспеваем страдания, / и славим Спасе, крайнее Твое вси схождение.

Песнь 9 - Грядет всех Судия, изведен быти на суд, / на престоле херувимсте седяй, яко повинный предстати Пилату, / и вся пострадати, да спасется Адам.

Приближися Пасха нам великая и Божественная: / по двою бо днию преднаучает Христос, / страдания прописуя день, / воньже Отцу жертва приведется.

— Великое повечерие

Великая Среда

Песнь 8 - Ты еси Пасха наша, / пожреный за всех, яко Агнец и Жертва, / и прегрешений очищение, / и Твоя Божественныя страсти превозносим Христе, во вся веки.

— Великое повечерие

Стиховне стихиры - Простре́ блудни́ца власы́ Тебе́, Влады́це, простре́ Иу́да ру́це беззако́нным: о́ва у́бо прия́ти оставле́ние, ов же взя́ти сре́бреники. Те́мже Тебе́ вопие́м про́данному, и свобо́ждшему нас: Го́споди, сла́ва Тебе́.

— Утреня

Великий Четверг

Песнь 8 - Законное скончав повеление, / скрижали законныя Написавый в Синаи, / снеде убо Пасху древнюю и сеновную: / бысть же Пасха тайная и живожертвенная

Песнь 9 - Сень небесная явися горница, / идеже Пасху Христос соверши. / Вечеря безкровная, и словесная служба, / трапеза же тамо совершенных Таин, мысленный жертвенник.
Пасха Христос есть великая и всечестная, / снеден быв яко хлеб, заклан же яко овча: / Той бо вознесеся о нас Жертва.

Вели́кое та́инство Твоего́ вочелове́чения, на ве́чери совозлежа́щу Тебе́ ученико́м Твои́м, Человеколюбче, откры́в рекл еси́: яди́те хлеб живо́тный ве́рою, пи́йте и Кровь, излия́нную от богоре́бреннаго заколе́ния.

— Малое повечерие

Песнь 3, Ирмос- Господь Сый всех, и Зиждитель Бог, / созданное безстрастный обнищав Себе соедини, / и Пасха, за яже хотяше умрети, / Сам, Сый, Себе предпожре
Избавительною всего рода человеча, / Твоею Блаже Твоя ученики напоил еси веселия Чашею, наполнив ю, / Сам бо Себе священнодействуеши, / пийте, вопия, Кровь Мою, / и верою утвердитеся.

Седален - Ядый Владыко со ученики Твоими, / таинственно явил еси всесвятое Твое заколение, / имже тли избавихомся, / честная Твоя почитающии страдания.

Песнь 4, Ирмос - Провидев пророк / тайну Твою неизреченную, Христе, провозгласи: / положил еси твердую любовь крепости, Отче Щедрый, / Единороднаго бо Сына, Благий, / очищение в мир послал еси.
На страсть всем сущим из Адама источившую безстрастие, / Христе грядый, другом Твоим рекл еси: / с вами Пасхи сея причаститися возжелах: / единороднаго бо Мя очищение Отец в мир послал есть.

Хвалитны - Иу́да преда́тель льстив сый, льсти́вным лобза́нием предаде́ Спаса Го́спода, и Влады́ку всех, я́ко раба́ продаде́ иуде́ом: я́ко овча́ на заколе́ние, Та́ко после́доваше, А́гнец Бо́жий, Сын Отчий, Еди́н Многоми́лостивый.
Егоже проповеда Агнца Исаиа, / грядет на заколение вольное, / и плещи дает на раны, ланиты на заушения, / лица же не отврати от срамоты заплеваний, / смертию же безобразною осуждается. / Вся Безгрешный волею приемлет, / да всем дарует из мертвых воскресение.

Стиховне - ...Днесь Каиафа неволею пророчествует: / уне, глаголя, единому умрети за люди. / Прииде бо за грехи наша пострадати...

Да никто́же, о ве́рнии, Влады́чния Ве́чери тайноненауче́н, никто́же отню́д я́ко Иу́да льсти́вно да присту́пит к трапе́зе: он бо укру́х прие́м, на хле́ба уклони́ся. о́бразом у́бо сый учени́к, ве́щию же сый уби́йца. Со иуде́и у́бо веселя́ся, со апо́столы же водворя́лся: ненави́дя лобыза́ше, лобыза́я же продава́ше искупи́вшаго нас кля́твы, Бо́га и Спа́са душ на́ших.

— Утреня

Великий Пяток

Песнь 9 - Пилатову судищу неповинный Судия, / волею пришел еси предстати Христе, / и избавити нас от долгов наших. / Темже претерпел еси Благий плотию уранен быти, / да вси приимем свобождение.

— Малое повечерие

Антифон 13 - „..и вся пострадати изволи, / спасти ны хотя от беззаконий наших Своею Кровию, / яко Человеколюбец“
Антифон 15 - „Не яко иудее празднуем, / ибо Пасха наша за ны пожреся Христос“

Блаженны Триоди - Рукописа́ние на́ше на Кресте́ растерза́л еси́, Го́споди, и вмени́вся в ме́ртвых, та́мошняго мучи́теля связа́л еси́
Распя́лся еси́ мене́ ра́ди, да мне источи́ши оставле́ние

Седален : Искупи́л ны еси́ от кля́твы зако́нныя/ Честно́ю Твое́ю Кро́вию (кроме на Великий Пяток этот тропарь читается на каждая Божественная Литургия в начале св. Проскомидии)

— Утреня

Первий час - Яко овча на заколение / веден был еси, Христе Царю, / и яко агнец незлобивый / пригвоздился еси Кресту, от беззаконных мужей, / грех ради наших, Человеколюбче.

— Царские Часы

Великая Суббота

Стихиры Триоди на Господи воззвах - Лю́дие злочести́вии и беззако́ннии, вску́ю поуча́ются тще́тным? Вску́ю Живота́ всех на смерть осуди́ша? Ве́лие чу́до, я́ко Созда́тель мира в ру́ки беззако́нных предае́тся, и на дре́во возвыша́ется Человеколю́бец, да я́же во а́де ю́зники свободи́т, зову́щия: Долготерпели́ве Го́споди, сла́ва Тебе́.

Страшное и преславное таинство днесь действуемо зрится: / неосязаемый удержавается: / вяжется, разрешаяй Адама от клятвы: / испытуяй сердца и утробы, неправедно испытуется: / в темнице затворяется, Иже бездну затворивый: / Пилату предстоит, Емуже трепетом предстоят небесныя силы: / заушается рукою создания Создатель: / на древо осуждается, судяй живым и мертвым: / во гробе заключается Разоритель ада. / Иже вся терпяй милосердно / и всех спасый от клятвы, / Незлобиве Господи, слава Тебе.

— Вечерня

После стих 8 - Со злодеи яко злодей, Христе, вменился еси, / оправдая нас всех от злодейства древняго запинателя.
После стих 109 - Усну Адам, но смерть из ребр изводит: / Ты же ныне уснул еси Слове Божий, / источаеши от ребр Твоих мирови жизнь.
После стих 161 - Адама и Еву свободити, Мати не рыдай, сия стражду.

После стих 163 - Оцтом напоен был еси и желчию Щедре, / древнее разрешая вкушение.

— Чин погребения Христова на Утреня

ПАСХА

Христо́с воскре́се из ме́ртвых, сме́ртию смерть попра́в, и су́щим во гробе́х живо́т дарова́в.

— Тропарь

Песнь 4 - Му́жеский у́бо пол, я́ко разве́рзый де́вственную утро́бу, яви́ся Христо́с, я́ко челове́к же, А́гнец нарече́ся, непоро́чен же, я́ко невку́сен скве́рны, на́ша Па́сха, и я́ко Бог и́стинен, соверше́н рече́ся.
Я́ко единоле́тный а́гнец, благослове́нный нам вене́ц Христо́с, во́лею за всех закла́н бысть, Па́сха чисти́тельная, и па́ки из гро́ба кра́сное, пра́вды нам возсия́ Со́лнце.

Песнь 6 - Спа́се мой, живо́е же и неже́ртвенное заколе́ние, я́ко Бог Сам Себе́ во́лею приве́д Отцу́

Песнь 9 - Христо́с но́вая Па́сха, Же́ртва жива́я, А́гнец Бо́жий, взе́мляй грехи́ ми́ра.

Днесь Влады́ка плени́ а́да, воздви́гнувый ю́зники, я́же от ве́ка имя́ше лю́те одержи́мыя.

— КАНОН ПАСХИ

Πάσχα ἱερὸν ἡμῖν σήμερον ἀναδέδεικται· Πάσχα καινόν, ἅγιον· Πάσχα μυστικόν· Πάσχα πανσεβάσμιον· Πάσχα Χριστὸς ὁ λυτρωτής· Πάσχα ἄμωμον· Πάσχα μέγα· Πάσχα τῶν πιστῶν· Πάσχα, τὸ πύλας ἡμῖν τοῦ Παραδείσου ἀνοῖξαν· Πάσχα, πάντας ἁγιάζον πιστούς.

— Стихиры Пасхи

ТРИОДЬ ЦВЕТНАЯ

АНТИПАСХА

Песнь 8 - Кресто́м Твои́м разреши́л еси́ кля́тву, положи́вся во гро́бе, и а́дово мра́чное Христе́ мо́й Иисусе, низложи́в ца́рство

Песнь 9 - Ви́дя со́лнце распина́ема омрачи́ся, посреде́ разбо́йнику Тя́ Сло́ве, Со́лнца незаходи́маго: го́ры, хо́лми, земля́ и мо́ре уклони́шася: а́д вострепета́, ю́зники разреша́я, я́же держа́ше, воспева́ющыя Тя́.

— Трипеснец в понедельник

Песнь 1 - Святе святы́х, освяти́ти ми́р хотя́, во́лею на Дре́ве Крестном возне́слся, и закла́лся еси́ я́ко а́гнец, и кро́вию благода́тельною обновля́еши на́с песносло́вящих Тя́.

— Трипеснец в среду

Песнь 4 - О на́с смире́нных веде́н бы́л еси́ на сме́рть Христе́, все́х Животе́, и плени́в а́дова ца́рствия, ду́ши я́ко о́вцы исхи́тил еси́, с Собо́ю воскреси́в, я́ко Царь Держа́вный и Всеси́льный.

Песнь 8 - Сла́ва Христу́ врага́ низложи́вшему, и плени́вшему а́да, е́же к нему́ сни́тием, и я́же возмо́же поглоти́ти, оживи́вшему ме́ртвыя, песносло́вящыя Его́ во ве́ки

Песнь 9 - Часо́в же и дне́й Соде́тель сы́й Изба́вителю, в де́нь и ча́с шесты́й, поно́сно хотя́ претерпе́л еси́ распя́тие Ще́дре, я́ко да на́ша утоли́ши поноше́ния, и примири́ши на́с Отцу́.

Стеня́ а́д усре́т Тя́ Изба́вителю, и я́же име́яше ю́зники со ско́ростию отреши́, боже́ственными гла́сы воспева́ющыя Твою́ Сло́ве, е́же па́че ума́ си́лу и стра́шное снизхожде́ние.

— Трипеснец в четверток

Песнь 5 - Свя́та Господа Си́л Пречистая родила́ еси́, истощи́вшаго а́дова ца́рствия, и воскре́сша, и совоскреси́вшаго челове́ческое смеше́ние.

Песнь 8 - Во́лею распе́ншагося, и поло́жшагося во гро́бе, и упраздни́вшаго сме́рти держа́ву, Христа́ Бога по́йте, и превозноси́те Его́ во ве́ки.

— Трипеснец в пяток

Песнь 9 - Ста́л еси́ Владыко на Дре́ве Крестнем, и вся́ язы́ки к ра́зуму привле́кл еси́ Господи, и ра́й отве́рзл еси́, его́же затвори́ша пре́жде пра́отцы вкуше́нием дре́ва: те́мже Тя́ вси́ велича́ем.

— Четверопеснец в субботу

Стихиры на Господи воззвах - За мно́гое снизхожде́ние, и милосе́рдие безме́рное, Мое́ зря́ истоща́ние не усумни́ся, но уве́рися бли́знче, Госпо́дь рече́: я́ко Са́м е́смь Аз пострада́вый, и тридне́вен из гро́ба воскресы́й, и а́дова сокро́вища истощи́вый, и оживи́вый от ве́ка уме́ршия.

— Вторник, Вечерня

Стихиры на Господи воззвах - Па́сха настоя́щий пра́здник: Па́сха та́йная: Па́сха Боже́ственная: Па́сха спаси́тельная: Па́сха к безсме́ртной жи́зни преводя́щая на́с: Па́сха вся́кую ско́рбь оте́млющая от среды́: Па́сха весе́лую благода́ть даю́щая ученико́м. те́мже Фома́ вопия́ше: Госпо́дь Бо́г мо́й еси́, плени́вый а́дова ца́рствия.

— Четверг, Вечерня

ТРЕТАЯ НЕДЕЛЯ ПО ПАСХЕ - МИРОНОСИЦАМ

Песнь 1 - Древнюю клятву разрешивши, Чистая, во утробе Твоей / возрастила еси нам благословение, Младенца родивши: / Сей бо Бог, аще и плоть носит

Песнь 3 - Предстоящи Кресту Агница Твоя, Иисусе, плачем вопияше: / камо идеши, Сыне; / камо грядеши, Агнче, за всех заклавыйся

Песнь 4 - Благоволивый, Спасе наш, / за благоутробие милости пригвоздитися на Кресте, / и от праотчия избавити ны клятвы, / разреши узы многих моих согрешений: / можеши бо, елика хощеши, творити
На Кресте пригвоздивый мою древнюю клятву, / и источивый мне, Спасе, благословение кровию от ребр Твоих, / разреши узы многих моих согрешений: / можеши бо, елика хощеши, творити

Песнь 6 - Ме́ртвыя я́коже возмо́г поже́рл еси́ иногда́, ны́не истязу́емь а́де, отда́ждь Ми́, вопие́т тебе́ Жизнода́вец и Бог, вся́ прише́дый изба́вити от несы́таго твоего́ чре́ва.
Госпо́дь воскре́се плени́вый врага́, и у́зники исто́ргнув, возведе́ вся́, и первозда́ннаго Ада́ма, того́ возставля́я, я́ко Благоутро́бен и Человеколю́бец Бог.

Песнь 7 - На Кресте́ возвыша́емь, вся́ призва́л еси́ к Себе́ Ще́дре, я́коже обеща́л еси́ Бла́же: я́ко вои́стинну вся́ сия́ грехо́в ра́ди на́ших пострада́ти благоволи́л еси́.

Во чре́ве Твое́м Пречи́стая, ка́ко вмести́ла еси́ Младе́нца, Его́же трепе́щут си́лы а́нгельския я́ко Бо́га? Ра́зве я́коже восхоте́, я́коже ве́сть всели́ся, вся́ спасти́ хотя́й от Ада́ма земноро́дныя, разреши́вый Ада́ма кля́твы о́ныя, сне́дию го́рькою.

— Канон

Песнь 1 - Пове́шен на Кресте́ во́лею Христе́, тве́рдая ца́рствия а́дова разруши́л еси́, и ве́чныя у́зники изве́л еси́ му́жеством: сла́ва держа́ве Твое́й.

— Трипеснец в понеделник

Песнь 2 - Рука́ма Твои́ма сотвори́вый челове́ка, ру́це пригвозди́л еси́ Всеси́льне на Дре́ве, вра́жия руки́ на́с избавля́я.

Разори́в Христе́ а́дову несве́тлую темни́цу, и я́же стяжа́ ю́зники взя́л еси́, и Са́м Себе́ я́ко си́лен воскреси́л еси́.

— Трипеснец во вторник

Песнь 6 - Да ра́дуются вся́ческая, я́ко Христо́с из гро́ба воста́, плени́в вся́ а́дова сокро́вища, и о́бщий весе́лия пра́здник да соверша́ют.

Песнь 7 - Исто́чник ми́лости за все́х положи́лся еси́, да вси́ до́лга сме́ртнаго разреши́вшеся, пое́м Тя́ Человеколю́бче.

Песнь 8 - Иди́те, рече́ жена́м блиста́яйся зра́ком: Христо́с Воскре́се, пропове́дите про́чее Того Воскресе́ние ми́рови всему́, и не пла́читеся, не́сть бо слеза́м вре́мя: не ктому́ бо ца́рствует сме́рть, не ктому́ облада́ет а́д, не ктому́ осужде́ния победи́т гре́х.

— Четверопеснец в субботу

Стихиры на Господи воззвах - Гвоздьми́ пригвозди́вся, кля́тву ю́же на дре́ве, Дре́вом потреби́л еси́: положи́в же Ся во гро́бе, я́же от ве́ка ме́ртвыя Боже́ственною си́лою воскреси́л еси́, Твою́ си́лу велегла́сно сла́вим: Па́сха Боже́ственная Иису́се Всеси́льне, Животе́ наш, О́тчее сия́ние. Те́мже небе́сная с земны́ми ра́дуются, побе́дныя пе́сни Тебе́ победотво́рче Сло́ве пою́ще, Христе́ Вседержи́телю, подаю́щему ми́рови ве́лию ми́лость.

— Понедельник, Вечерня

ЧЕТВЕРТАЯ НЕДЕЛЯ ПО ПАСХЕ

Песнь 1 - Во Христо́ве воста́нии лю́дие днесь лику́им ве́рно, / плене́н бысть ад, / ю́зники я́же содержа́ше, отдаде́ со тща́нием, / пою́щия вели́чия Бо́жия.

Песнь 4 - Евре́йский собо́р, за́вистию растаява́емь, / на Дре́ве распя́т Тя, Го́споди: / и разори́в осужде́ние сме́рти, / я́ко си́лен воста́л еси́, / мир с Собо́ю совоздви́гнув.

Песнь 6 - Вся Боже́ственным манове́нием нося́й, / держи́мь есть, Богоро́дице Де́во, во объя́тиях Твои́х, / всех нас восхища́я, от руки́ рабо́ты лука́ваго, я́ко Щедр.

— Канон

Песнь 8 - Распя́таго Господа дре́вле ви́девше, со́лнце сокры́ све́т, ка́мение распаде́ся, го́ры поколеба́шася, и земля́ потрепета́, и и́же дре́вле у́зницы от у́з разреша́хуся.

Песнь 9 - Тридне́вным Твои́м погребе́нием плене́н бы́сть вра́г, и от а́довых у́з отреши́шася мертвецы́, умертви́ся сме́рть, истощи́шася ца́рства а́дова. Те́мже Тя́ Животода́вче, в пе́снех чту́ще велича́ем.

— Трипеснец в понедельник

Песнь 8 - Ра́вен Отцу́ Христе́ и Духу Сы́й, Крест претерпе́л еси́, и вмени́вся в ме́ртвых, ца́рствия а́дова истощи́л еси́ пресла́вно, и воскре́с совоздви́гл еси́ с собо́ю всю́ тва́рь.

Песнь 9 - Яко Агнец к заколе́нию приведе́н бы́л еси́ Владыко во́лею Иисусе, не вопия́, ни зовы́й, я́коже пи́шет, сме́ртию Свое́ю Сло́ве на́с обезсме́ртив, песносло́вящих Твою́ Стра́сть Пречи́стую, и е́же из а́да стра́шное ожи́тие.

— Трипеснец во вторник

Песнь 5 - Вя́жемь Ще́дре, и во́лею дре́ву пригвожда́емь, свя́занных вся́кими преступле́ньми избавля́еши, положи́в же ся во гро́бе, во гробе́х усну́вшыя мертвецы́ воздвиза́еши, пою́щыя Твое́ стра́шное Воскресе́ние.

Песнь 9 - Диви́тся со́лнце, зря́ на Дре́ве пригвожде́нна Тебе́ Христе́, поколеба́шася концы́, и потрясе́ся вся́ земля́, и распаде́ся ка́мение, и а́д до́ле я́же от ве́ка ю́зники отреши́ воспева́ющыя Тя́.

— Трипеснец в пяток

ПЯТАЯ НЕДЕЛЯ ПО ПАСХЕ

Хвалитны - Да ра́дуется дне́сь све́тло не́бо и земля́, я́ко Христо́с яви́ся воплоща́емь я́ко Челове́к, да Ада́ма изме́т от кля́твы всеро́дна

— Утреня

Песнь 1 - Связа́в вра́жию губи́тельную держа́ву у́зами, и́миже претерпе́л еси́ на́с ра́ди Человеколю́бче: Кресто́м твои́м умири́л еси́ Господи расточе́нныя, и вражду́ разори́л еси́ средосте́ния: те́мже воспева́ем Тя́.

— Трипеснец в понедельник

Песнь 8 - Раздравы́й рукописа́ние Ада́мово Кресто́м Господи, благослове́ние ны́не источи́л еси́ на́м, кля́тва во́лею Христе́ бы́в: те́мже Тя́ благослови́м при́сно во ве́ки.

— Трипеснец во вторник

Песнь 5 - Связу́емь Владыко, и на дре́ве пригвожда́емь, разреши́л Мя́ еси́ у́з грехо́вных, и любви́ Твое́й пригвозди́л еси́: те́мже благода́рно Твое́ пою́ вели́чие, и несказа́нную си́лу.

Яви́вшуся Тебе́ Спасе во а́де, дре́вле осужде́нный Ада́м разреши́ся осужде́ния, и многоле́тных у́з, вопия́: сла́ва мно́зей Твое́й Сло́ве Бла́гости, Иисусе Многоми́лостиве.

— Трипеснец в пятницу

Песнь 7 - На ло́бнем на́с ра́ди, посреде́ разбо́йнику пове́шен бы́в на Кресте́, и вла́сти тмы́ на се́м упраздни́л еси́ Всеси́льне Господи, Боже Отец на́ших, благослове́н еси́.

— Четверопеснец в субботу

ПРЕПОЛОВЕНИЕ

Песнь 1 - Прише́л еси́ Христе́, све́тлости Божества́ испуща́я, пра́здника посреде́ явле́нно: пра́здник бо ра́достный спаса́емых еси́, и спасе́ния на́шего хода́тай.
Прему́дрость, пра́вда, Го́споди, и избавле́ние у Бо́га Ты́ бы́л еси́ на́м, от земли́ к небе́сной преводя́ высоте́, и Ду́х Боже́ственный да́руя.

Песнь 8 - Ты еси воистинну Христос, в мир сей пришедый, / из Негоже спасение и оставление отеческих согрешений

Песнь 9 - В небе́сное па́ки житие́ зва́ни бы́вше, хода́тайства си́лою истощи́вшагося да́же и до ра́бия о́браза, и на́с возне́сшаго, Сего́ досто́йно возвели́чим.

— Канон на утрени

ШЕСТАЯ НЕДЕЛЯ ПО ПАСХЕ

Песнь 9 - На Дре́ве кре́стнем пригвозди́лся еси́ Христе́ Бо́же, и вся́ победи́л еси́ вра́жия сопроти́вная нача́ла, и пе́рвую кля́тву потреби́л еси́ Спа́се: те́мже Тя́ по до́лгу велича́ем.

— Канон

Песнь 1 - Твои́м Честны́м кресто́м Господи, дре́вния кля́твы вси́ изба́вихомся: те́мже Твою́ сла́вим Благость.

Распны́йся во́лею воста́, сокро́вища вся́ плени́ сме́рти, Христо́с Спас на́ш: Того́ прославля́ем.

— Трипеснец в понедельник

Песнь 9 - Яко а́гнец на заколе́ние приведе́ся Владыко Христе́ Боже, и я́звами Твои́ми, я́же во́лею претерпе́л еси́, бесо́в вся́кое лука́вое мно́жество уязви́л еси́.

— Трипеснец во вторник

Песнь 8 - Низложи́в вражду́ средосте́ния, уме́ршыя Отцу́ Твоему́ примири́л еси́, и возше́д соприве́л еси́, ю́же прия́л еси́ Пло́ть Безнача́льне Сло́ве превы́ше Нача́л и Си́л.

— Трипеснец в пятницу

Предпразднства Вознесение Господне

Песнь 4 - Пре́жде грехо́м осужде́нное естество́ на́ше Всецарю́ Твои́м прия́тием поми́ловася', песносло́вящее Твое́ со стра́хом Воста́ние, и Боже́ственное Вознесе́ние.

Песнь 5 - Разреши́в осужде́ние челове́чества, Христо́с воскре́се и к небе́сным, О́тчим соседе́нием поче́т, и́хже возлюби́.

Песнь 7 - Растерза́в средосте́ние вражды́ Го́споди, Кресто́м и Стра́стию Твое́ю, о́блаком носи́мь возше́л еси́ со сла́вою к Безнача́льному Отцу́.

Песнь 8 - Рука́ми псало́мски воспле́щим, воскре́се Христо́с Бо́г на́ш, и взы́де, отону́дуже сни́де к на́м человеколю́бно, умиротвори́вый дре́вле разстоя́щаяся.

— Канон

Вознесение Господне

Песнь 4, Ирмос - Услы́шах слу́х си́лы Креста́, я́ко ра́й отве́рзеся и́м

— Канон

Ἀνελήφθης ἐν δόξῃ, Χριστὲ ὁ Θεὸς ἡμῶν, χαροποιήσας τοὺς Μαθητάς τῇ ἐπαγγελίᾳ τοῦ ἁγίου Πνεύματος· βεβαιωθέντων αὐτῶν διὰ τῆς εὐλογίας, ὅτι σὺ εἶ ὁ Υἱός τοῦ Θεοῦ, ὁ λυτρωτὴς τοῦ κόσμου.

— Тропарь

СЕДМАЯ НЕДЕЛЯ ПО ПАСХЕ

Песнь 4 - Хода́тай бы́л еси́ Бо́же и Челове́че, Бо́гу и челове́ком Христе́

— Канон на Воскресение

На Господи воззвах стихиры усо́пших - Свое́ю кро́вию челове́ки Спа́се искупи́вый, и сме́ртию Твое́ю от сме́рти го́рькия изба́вивый на́с, и жи́знь ве́чную подая́й на́м Воскресе́нием Твои́м, вся́ упоко́й Го́споди усо́пшыя благоче́стно, или́ в пусты́нях, или́ во граде́х, или́ в мо́ри, или́ на земли́, или́ на вся́ком ме́сте, цари́ же, свяще́нники, архиере́и, мона́хи и бельцы́, в во́зрасте вся́ком всеро́дном, и сподо́би я́ Небе́снаго Ца́рствия Твоего́.

Песнь 7 - Изба́вльшиися Твое́ю кро́вию му́ченицы пе́рваго преступле́ния, окропи́вшеся же свое́ю кро́вию, прообразу́ют я́ве Твое́ заколе́ние: благослове́н еси́ Бо́же оте́ц на́ших

— Суббота, в пято́к ве́чера пятдеся́тницы

Песнь 2 - Ви́дите ви́дите, я́ко А́з е́смь Бо́г ва́ш, пре́жде ве́к рожде́нный от Отца́, и от Де́вы в после́дняя без му́жа заче́ншийся, и разруши́вый гре́х пра́отца Ада́ма, я́ко Человеколю́бец.

На хвалитех - ...упоко́й, Бо́же, ду́шы, я́же прия́л еси́, и на́с сподо́би Ца́рствия Твоего́, Кре́ст претерпе́вый мене́ ра́ди осужде́ннаго, Изба́вителю мо́й и Бо́же.

На стиховне стихиры - ...Ты́ бо за все́х пролия́л еси́ кро́вь Твою́ Христе́, и живоно́сною цено́ю ми́р искупи́л еси́.

— в субботу на Утрени

ПЯТИДЕСЯТНИЦА

Третья молитва священника - ...Приведый Себе о нас непорочное заколение, и тело давый пречистое в жертву, всякаго греха неприкосновенное же и непроходное, и страшным сим, и неисповедимым священнодействием живот нам вечный даровавый...

— Вечерня на Попразднство Пятидесятницы

Канон Святого Духа, Песнь 5 - Кля́тву Е́вину все́х ма́тере, Твои́м Рождество́м Де́во, упраздни́ла еси́, ми́ру благослове́ние возсия́вши Христа́.

— Малое повечерие на Попразднство Пятидесятницы

Службы 8-й седмицы по Пасхе

Песнь 9 - Душе Истины и Ра́зума, Душе Прему́дрости и Кре́пости, и сове́та, из Отца́ исходя́й, Сына же ра́ди, тва́ри бога́тно дае́мый, спаса́й на́с ве́рою покланя́ющихся держа́ве Твое́й.

— Трипеснец во вторник

На Господи воззвах стихиры - Уте́шителя иму́ще ко Отцу́ Христа́ Бо́га, Уте́шителю ино́му прише́дшему к на́м на зе́млю дне́сь, Ду́ху Свято́му ве́рою поклони́мся.

— Четверг Вечерня, в ту́ же сре́ду пятдеся́тную ве́чера

Из общего богослужения

Молитва на час шестой - Бо́же и Го́споди сил и всея́ тва́ри Соде́телю, И́же за милосе́рдие безприкла́дныя ми́лости Твоея́ Единоро́днаго Сы́на Твоего́, Го́спода на́шего Иису́са Христа́, низпосла́вый на спасе́ние ро́да на́шего, и честны́м Его́ Кресто́м рукописа́ние грех на́ших растерза́вый
На Великом Посте, 6-й час – Иже в шестий ден же и час на Кресте пригвождей в раи дерзновенньıй Адамов грех

Молитва на 9-й час - Влады́ко Го́споди, Иису́се Христе́, Бо́же наш, долготерпе́вый о на́ших согреше́ниих и да́же до ны́нешняго часа́ приведы́й нас, во́ньже, на Животворя́щем Дре́ве ви́ся, благоразу́мному разбо́йнику и́же в рай путесотвори́л еси́ вход и сме́ртию смерть разруши́л еси́

Великое Славословие - Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас. Взе́мляй грехи́ ми́ра

Божественная Литургия, Евхаристический канон, Возглас : сия ест Кровь Моя Новаго Завета, яже за вьı и за многи изливаемая, во оставление грехов
Тропарь Великий Пяток "Искупил ньı еси от клятвьı законньıя Честною Твоею Кровию..." читается и на каждой св. проскомидии от священника во св. олтаре
Молитва священника на Херувимская песнь : "..обаче неизреченнаго ради Твоего человеколюбия бьıл еси человек и Архиерей нам бьıл еси.."

Молитвенное прошение на лития - Спаси́, Бо́же, лю́ди Твоя́ и благослови́ достоя́ние Твое́, посети́ мiр Твой ми́лостию и щедро́тами, возвы́си рог христиа́н правосла́вных и низпосли́ на ны ми́лости Твоя́ бога́тыя, моли́твами всепречи́стыя Влады́чицы на́шея Богоро́дицы и Присноде́вы Мари́и, си́лою Честна́го и Животворя́щаго Креста́...

Божественная Литургия свт. Василия Великого

Да простить Бог что эдес цитируется сокровенная молитва священника во св. олтаре, но это делается со страх Божий для утверждение правду

"свят еси, яко воистинну, и пресвят, и несть меры великолепию святыни Твоея, и преподобен во всех делех Твоих, яко ПРАВДОЮ И СУДОМ ИСТИННЫМ ВСЯ НАВЕЛ ЕСИ НА НЫ: создав бо человека, персть взем от земли, и образом Твоим, Боже, почет, положил еси в раи сладости, безсмертие жизни и наслаждение вечных благ, в соблюдении заповедей Твоих обещав ему, но преслушавша Тебе, истиннаго Бога, создавшаго его, и прелестию змиевою привлекшася, умерщвлена же своими прегрешеньми, ИЗГНАЛ ЕСИ ЕГО ПРАВЕДНЫМ ТВОИМ СУДОМ, Боже, от рая в мiр сей, и отвратил еси в землю, от неяже взят бысть, устрояя ему еже от пакибытия спасение, в Самем Христе Твоем... Понеже бо человеком грех вниде в мiр и грехом смерть, благоволи Единородный Твой Сын, сый в недрех Тебе, Бога и Отца, быв от жены, Святыя Богородицы и Приснодевы Марии, быв под законом, ОСУДИТИ ГРЕХ ВО ПЛОТИ СВОЕЙ, да во Адаме умирающе, оживотворятся в самем Христе Твоем... даде Себе измену смерти, в нейже держими бехом, продани под грехом..."

— Молитва священника прежде Евхаристийного канона

Собрание синаксарей, Никифора Ксанфопула (1256 - 1335)

Понеже питавшеся изгнахомся из Едема, и под судом быхом и клятвою: посему настоящий положиша праздник, и яко хощем {имамы} в другую Неделю Адамом, по образу Едемскому изгнатися, дондеже Христос пришед паки нас возведет к раю

— В неделю мясопустную, о Страшном Суде

Пищи убо ради перваго Адама, Господь дней постися четыредесять, и послушлив бысть...
В шестый убо день Адам создася рукою Божиею, почтен быв и образом, вдуновлением. и взем заповедь, абие даже до шестаго часа в раи поживе: таже преступив сию, оттуду изгнася.. И яко в шестый час руце простер, и плода коснуся: яви и новый адам Христос, в шестый час и день длани простер на Кресте..

Преступив убо и смертною облекся плотию, и клятву взем изгнан бысть рая: и пламенному оружию сего врата повелено бысть хранити. Сей же прямо седя плакаше, коликих благ лишися, за еже не поститися ко времени: и из онаго весь род оному равных приобщися, дондеже создавый нас, наше помиловав естество, погибаемое сатаною, от Девы Святыя рождся и изрядне пожив, путь нам показав, сопротивными оному, рекше, постом и смирением, и победив хитро нас прельстившаго, и паки в древнее достояние приведе.

— Неделю Сиропустную, воспоминание Адамова изгнания

Понеже бо еврейская фаска по пятце жретися имяше. Бяше же убо прикладно, образованию последствовати и истине, в том яве и еже по нам пасце жретися Христу, предварив Господь наш Иисус Христос

— Во Святьıй и Великий Четверг

Пасху же весь праздник глаголет, или и тогда бысть, якоже подобаше: Христос же прежде единаго дне сию сотвори законную Пасху, сзаклатися хотя в пяток.. Ведомо же убо, яко в шестый день седмицы, яве в пяток распятся Господь, занеже и в шестый день изначала создатися человеку. Но и в шестый час дне на Кресте повешен бысть: зане в той час, якоже глаголют, и Адам на отреченное древо руце простер коснуся.. Горькое питие: вкушение образоваше. Заушение: нашу свободу являше. Оплевание, и безчестное обвождение: еже о нас честь. Терновый венец: клятвы яже на нас отгнание. Багряная одежда: за кожаныя ризы, и за еже на нас царскую утварь. Гвоздие: всеконечное нашего греха недвижение. Крест: древо еже в раи. Пронзеная ребра: Адамово образоваху ребро, от негоже ева, от неяже преступление. Копие: пламенное оружие мне отвращает. Из ребр вода: образ Крещения. Кровь, и трость: имиже нам червлеными писмены яко Царь, древнее отечество дарова и подписа.

— Во Святую и Великую Пятницу

Снизходит убо Божие Слово с плотию во гроб, сходит же и во ад с нетленною и Божественною Своею душею, раздельшеюся в смерти от телесе, ЮЖЕ И В РУЦЕ ПРЕДАДЕ ОТЦУ, ЕМУЖЕ не просившу и СВОЮ КРОВЬ ПРИНЕСЕ, ИЗБАВЛЕНИЕ НАМ БЫВШУЮ. Во аде бо Господня душа, якоже других святых души, не бысть удержана. Како бо? Отнюд не подлежащи прародительней клятве якоже оны. Но и КРОВИ, ЕЮЖЕ КУПЛЕНИ БЫХОМ, не взят враг наш диавол, аще и держаше нас.

— Во Святой и Великой Субботе

Егда же твориму тому празднику, став Иисус великим гласом воззва: аще кто жаждет, да грядет ко Мне и пиет. Елма убо во учительстве том Христос мессию себе показа, Ходатай и Примиритель наш быв, и вечнаго Отца Своего.

— Синаксарь в среду расслабленного, преполовения Пятидесятницы

Ныне же и всех влечет хотящих, яко обетование, якоже Богу Слову показующу примирения дела, и некий намеренный конец, еже к нам плотию пришествия Его и смотрения, якоже древле отриновенныя в соединение и дружество приводит Божие

— Синаксарь в неделю Всех Святьıх

Великий требник

Молитва вторая - Господи Иисусе Христе, Сыне Бога живаго, Пастырю и Агнче, вземляй грех мира...

Молитва над разрешаемым от запрещения - Благоутробне Господи, Блаже и Человеколюбче, иже Твоих ради щедрот низпославый Единороднаго Твоего Сына в мiр, да расторгнет еже на ны рукописание согрешений, и разрешит узы, иже от греха связуемых, и проповесть плененным оставление.

— Чин Исповеди

«ОПРАВДАЛСЯ еси. Просветился еси. Освятился еси. Омылся еси именем Господа нашего Иисуса Христа и Духом Бога нашего. Крестился еси. Просветился еси. Миропомазался еси. Освятился еси, во имя Отца, и Сына, и Святаго Духа, аминь».

— Последование святого Миропомазания

Молитва на 1-го помазания : Ты бо еси Бог велий и дивен, храняй заветь Твой и милость Твою любящым Тя, даяй избавление грехов святым Твоим отроком Иисус Христом.. сице сотвори и нас быти служителей Новаго Твоего Завета над елеем сим, егоже усвоил еси Честною Кровию Христа Твоего.

Молитва на 5-го помазания : ...Ты бо един кроме греха еси, пришедый и спасый человеческий род, и свободивый нас от работы вражия.. грехи мира вземьıй и на Кресте пригвоздивьıй.

— Молитвьı священника на последование елеосвящении

Православный молитослов

Помяни́, Го́споди Иису́се Христе́, Бо́же наш, ми́лости и щедро́ты Твоя́ от ве́ка су́щия, и́хже ра́ди и вочелове́чился еси́, и распя́тие и смерть, спасе́ния ра́ди пра́во в Тя ве́рующих, претерпе́ти изво́лил еси́; и воскре́с из ме́ртвых, возне́слся еси́ на Небеса́ и седи́ши одесну́ю Бо́га Отца́, и призира́еши на смире́нныя мольбы́ всем се́рдцем призыва́ющих Тя. Приклони́ у́хо Твое́, и услы́ши смире́нное моле́ние мене́, непотре́бнаго раба́ Твоего́, в воню́ благоуха́ния духо́внаго, Тебе́ за вся лю́ди Твоя́ принося́щаго. И в пе́рвых помяни́ Це́рковь Твою́ Святу́ю, Собо́рную и Апо́стольскую, ю́же снабде́л еси́ честно́ю Твое́ю Кро́вию..

— Помянник

Стихиры - Δέσποινα καὶ μήτηρ τοῦ Λυτρωτοῦ, δέξαι παρακλήσεις, ἀναξίων σῶν ἱκετῶν, ἵνα μεσιτεύσης πρὸς τὸν ἐκ σοῦ τεχθέντα. Ὧ Δέσποινα, τοῦ κόσμου γενοῦ μεσίτρια.

— Канон молебный ко Пресвятой Богородице

Песнь 4 - Восхоте́л еси́, нас ра́ди вопло́щся, Многоми́лостиве, закла́н бы́ти я́ко овча́, грех ра́ди челове́ческих: те́мже молю́ Тя, и моя́ очи́сти согреше́ния.

Песнь 9 - Христо́с есть, вкуси́те и ви́дите: Госпо́дь нас ра́ди, по нам бо дре́вле бы́вый, еди́ною Себе́ прине́с, я́ко приноше́ние Отцу́ Своему́, при́сно закала́ется, освяща́яй причаща́ющияся.

— Канон ко Святому Причащению

Погребе́нием Твои́м а́дова плени́вый ца́рствия, погреби́ моя́ благи́ми по́мыслы лука́вая сове́тования, и лука́вствия ду́хи разори́.

— Молитва 3-я ко Святому Причащению, святого Симеона Метафраста

Кондак 5 - Богото́чною Кро́вию, я́коже искупи́л еси́ нас дре́вле от зако́нныя кля́твы, Иису́се, си́це изми́ нас от се́ти, е́юже змий запя́т ны страстьми́ плотски́ми, и блу́дным наважде́нием, и злым уны́нием, вопию́щия Ти: Аллилу́иа.

Кондак 10 - Спасти́ хотя́ мир, Восто́че восто́ком, к те́мному за́паду, естеству́ на́шему, прише́д, смири́лся еси́ до сме́рти; те́мже превознесе́ся и́мя Твое́ па́че вся́каго и́мене, и от всех коле́н Небе́сных и земны́х слы́шиши: Аллилу́иа.

Кондак 12 - Благода́ть пода́ждь ми, всех долго́в Реши́телю, Иису́се

— Акафист Иисусу Сладчайшему

Икос 7 - Ра́дуйся, во чре́ве нося́щая Изба́вителя плене́нным

Кондак 12 - Благода́ть да́ти восхоте́в, долго́в дре́вних, всех долго́в Реши́тель челове́ком, прии́де Собо́ю ко отше́дшим Того́ благода́ти, и раздра́в рукописа́ние, слы́шит от всех си́це: Аллилу́иа.

— Акафист Пресвятой Богородице

...О Милосердная Мати! Преклонися на милость ко мне, лишенному милости от дел моих, и умоли, Его же родила еси плотию, Христа, Спасителя и Бога нашего, нас ради на Кресте пречистую Кровь Свою излиявшаго, да и аз причастник буду заслуг Его крестных пред Отцем Его Богом, и их ради получу грехов прощение и вечное спасение...

— Молитва ко Пресвятой Богородице (в пятницу), преподобного иеросхимонаха Нила Сорского (1433-1508)

Тебе́, неизглаго́ланнаго Све́та призыва́ю, не́мощию пло́ти обложе́н, ю́же ми́лостивне Сло́во Твое́ понесе́, и сме́ртию Свое́ю от рабо́ты вра́жия свободи́л есть ду́шы на́ша

— Молитвы по прочтении нескольких кафизм или всей Псалтири

Более редкие молитословия

Богат сый, волею обнищал еси, да человека во Царствии Твоем обогатиши.. предан был еси за тридесять сребреник, да человека искупиши от лютыя работы вражия.. на судилищи пред Анною и Каиафою предстал еси, всех от осуждения огня вечнаго отводя.. Точию на безчисленное Твое милосердие, Благосерде Господи, надеяся, пою Твое неизреченное долготерпение, величаю неисповедимое смотрение Твое, славлю Твою безмерную милость, имиже преклонился еси мене ради осужденнаго, да аз оправдан буду.

— Молитва Честному и Животворящему Кресту Господню

Песнь 1
В по́те лица́ твоего́ хлеб твой сне́си, рекл еси́ па́дшему челове́ку: те́мже, я́ко вторы́й Ада́м, егда́ моли́лся еси́, пот Кро́ве излива́шеся из Пречи́стаго Те́ла Твоего́: бра́шно бо Твое́ во́лю О́тчу твори́ти. Ни еди́ну у́бо за́поведь Твою́ сотво́ршаго, Иису́се Христе́, по́том Кро́ве Твоея́ ка́плющим омы́й мя.
Не ктому́ земля́ проклята́ есть, Кро́вию бо Сы́на Твоего́ благословля́ется: земле́ благослове́нная, Пречи́стая Де́во, воздвигни мя, прах и пе́пел, на славосло́вие Христа́, Бо́га на́шего.

Песнь 6
Гряде́ши я́коже Исаа́к и́стинный, на ра́мо Твое́ крест восприе́м. Да на нем же́ртву от мои́х гресе́х принесе́ши Отцу́, в воню́ благоуха́ния.

Песнь 7
И́стинный Ты еси́ Дави́д, восприя́в бо крест, я́ко псалти́рь красе́н, на го́ру Голго́фскую возше́л еси́, да гне́ва Бо́га Отца́ нас свободи́ши пою́щих: благослове́н еси́, А́гнче Бо́жий, во ве́ки, сотвори́вый ве́чное ми́рови избавле́ние.
Я́ко кади́ло в воню́ благоуха́ния, от растерза́ния Пло́ти Твоея́, Кровь Бо́гу Отцу́ прине́сл еси́, да приведе́ши мене́ к Нему́ пою́ща: благослове́н еси́, А́гнче Бо́жий, во ве́ки, сотвори́вый ми́рови ве́чное избавле́ние.

Песнь 8
Се есть Сын Твой возлю́бленный, Бо́же О́тче, Его́же креща́ема от Иоа́нна и преобразу́ющася на Фаво́ре, послу́шайте, рекл еси́: послу́шай ны́не Его́ жа́ждуща моего́ спасе́ния, Ему́же, мене́ ра́ди уме́ршему, пою́: иску́пленнии кро́вию Его́ вси язы́цы и вся племена́, Го́спода по́йте и превозноси́те Его́ во ве́ки.
Се есть Соломо́н на Свое́м Престо́ле, се Архиере́й на Свое́м олтари́, се есть Вождь, дая́й ору́жие непобеди́мое, се есть Сын Твой, Де́во, и Сын Бо́жий. Его́же Отец мене́ ра́ди не пощаде́, но на смерть предаде́, да Ему покланя́яся пою́: вси от ве́ка пра́веднии и гре́шнии, иску́пленнии Кро́вию Его, Го́спода по́йте и превозноси́те Его́ во веки.

Песнь 9
Вем, кто вино́вен стра́сти Твоея́ на Голго́фе: аз, Го́споди, аз невоздержа́нием распя́х Тя, но не поста́ви мне греха́ сего́ ка́ющемуся.

Не ктому́ Херуви́м храни́т врат Еде́мских, се бо, на дре́ве Живо́т мой Ты пове́шен еси́, Христе́. О, любве́ Твоея́ неизглаго́ланныя! Научи́ мя досто́йно благодари́ти Тя.

— Канон Божественным Страстям Христовым (иногда читается на Великий Пяток)

Икос 1
Ра́дуйся, Кре́сте, я́ко на тебе́ Христо́с Бо́г на́ш, во́лею ру́це распросте́р, спасе́ние на́ше соде́ла; ра́дуйся, я́ко распросте́ршимся на тебе́ Христо́м преступле́ние Ада́ма и Е́вы, просте́рших ру́це ко дре́ву запреще́нному, упраздни́ся. Ра́дуйся, я́ко воздви́жену бы́вшу на тебе́, а́ки престу́пну, Законода́вцу, дре́вняя кля́тва, я́же на на́с бы́вшая, потреби́ся
Ра́дуйся, я́ко Пострада́вшим и Уме́ршим на тебе́ жа́ло сме́рти сокруши́ся; ра́дуйся, того́ ра́ди страда́ния Бо́г с челове́ки примири́ся

Икос 2
Ра́дуйся, Кре́сте, на не́мже соде́яся та́инство, от ве́ка предопределе́нное; ра́дуйся, я́ко на тебе́ соверши́ся на́ше искупле́ние, многообра́зне во о́бразех и се́нех предъявле́нное. Ра́дуйся, я́ко уме́рый на тебе́ Жизнода́вец, кро́вь и во́ду источи́, и́миже грехи́ на́ша омыва́ются

Икос 3
Ра́дуйся, Кре́сте, просла́вленный послуша́нием и страда́нием Христо́вым
ра́дуйся, я́ко закла́вшуся на тебе́ А́гнцу Бо́жию заве́са хра́ма раздра́ся и же́ртва ветхозаве́тная упраздни́ся

Припев : Радуйся, Честный Кресте, всерадостное знамение нашего искупления

— Акафист на Воздвижению Креста Господня

Кафизма 1, Песнь вместо славьı
..Тя убо желаем всегда быти нашу Заступницу к возлюбленному Сыну Твоему и Богу, Иже честною Кровию нас искупил есть, да восприимем вечныя славы обетование.

Кафизма 6
Псалом 37 - ...Преблагословенным плодом чрева Твоего примирихомся с Богом.
Псалом 44 - ...святейшим Плодом чрева Ея грехи мои очищени суть...

— Псалтирь Божией Матери

Икос 1
Иису́се, страда́ньми и Кресто́м Твои́м весь мир искупи́вый

Кондак 2
Виде́в Тя Ангел в вертогра́де Гефсима́нстем до по́та крова́ва в моли́тве подвиза́ющася, предста́в укрепля́ше Тя, егда́ я́ко бре́мя тя́жкое греси́ на́ши отяготе́ша на Тебе́: Ты бо, Ада́ма поги́бшаго на ра́мо восприи́м, Отцу́ предста́вил еси́, прекло́нь коле́на моля́ся. О сем у́бо с ве́рою и любо́вию пою́ Тебе́: Аллилу́иа

Икос 3
Име́яй вои́стинну власть по чи́ну Мелхиседе́кову, я́ко Архиере́й во ве́ки, стал еси́ пред беззако́нным первосвяще́нником...
Иису́се Архиере́ю, Свое́ю Кро́вию вше́дый во Свята́я Святы́х, очисти́ мя от скверн пло́тских.

Кондак 5
Богото́чною Кро́вию Твое́ю весь обле́клся еси́, одея́йся све́том, я́ко ри́зою. Вем, вои́стинну вем со проро́ком, почто́ червле́ны ри́зы Твоя́: аз, Го́споди, аз грехми́ мои́ми уязви́х Тя; Тебе́ у́бо, мене́ ра́ди уя́звленному, благода́рственно зову́: Аллилу́иа

Икос 8
Везде́ от иуде́й гони́мый, мно́гия, ра́ди мно́жества грехо́в мои́х, претерпе́л еси́ поноше́ния и му́ки...

Икос 9
Иису́се, пригвожде́йся на Кресте́, пригвозди́ и упраздни́ рукописа́ние грехо́в на́ших

Икос 12
...не посрами́ нас, Кро́вию Твое́ю искупле́нных...

Икос 13 - О Иису́се Христе́, Агнче Бо́жий, взе́мляй грехи́ ми́ра...

— Акафист Божественным Страстям Христовым на Пассия

Го́споди Иису́се Христе́, Сы́не Бо́жий Единоро́дный, от Отца́ пре́жде все́х ве́к рожде́нный, Све́те от Све́та, просвеща́яй вся́ческая, в после́дняя же лета́ от Пресвяты́я Де́вы Мари́и нетле́нно воплоще́нный и в ми́р се́й на спасе́ние на́ше прише́дый! Ты́ бо не потерпе́л еси́ ви́дети от диа́вола му́чима ро́да челове́ча и сего́ ра́ди в пресве́тлый де́нь Богоявле́ния Твоего́ прише́л еси́ на Иорда́н ко гре́шником и мытаре́м крести́тися от Иоа́нна, безгре́шен сы́й, да испо́лниши вся́кую пра́вду и да во́змеши в вода́х Иорда́нских грехи́ всего́ ми́ра, я́ко А́гнец Бо́жий, во е́же понести́ я́ на Себе́ и искупи́ти Креще́нием кре́стным, пречи́стою Кро́вию Твое́ю. Сего́ ра́ди погрузи́вшуся Тебе́ в вода́х, отверзо́шася Тебе́ небеса́ Ада́мом заключе́нная и Ду́х Святы́й сни́де на Тя́ в ви́де голуби́не, просвеще́ние и обоже́ние нося́й естеству́ на́шему, и Пребоже́ственный Оте́ц Тво́й возвести́ Тебе́ небе́сным гла́сом благоволе́ние Свое́, зане́ сотвори́л еси́ во́лю Его́ и челове́к грехи́ восприя́л еси́ и Себе́ на закла́ние уже́ предугото́вал еси́, я́коже Са́м ре́кл еси́: «Сего́ ра́ди лю́бит Мя́ Оте́ц, я́ко А́з ду́шу Мою́ полага́ю, да па́ки прииму́ ю́», и та́ко во всесве́тлый де́нь се́й, Ты́, Го́споди, положи́л еси́ нача́ло искупле́ния на́шего от грехопаде́ния прароди́тельскаго.

— Молитва по акафист на Крещение Господне

Икос 6 - Возсия́ в рождестве́ Твое́м, Пречи́стая, заря́ спасе́ния на́шего, во исполне́ние Боже́ственнаго смотре́ния, и́мже еди́на Ты́ от все́х родо́в досто́йна яви́лася еси́ пло́ть заимода́ти Зижди́телю Твоему́, прише́дшему спасти́ ро́д на́ш от дре́вния пра́отеческия кля́твы.

Молитва третья - ...Наипа́че же благопоспеши́ на́м украси́тися благи́ми нра́вы и до́брыми де́лы, да, ели́ко мо́щно, подража́тели бу́дем свято́му Твоему́ житию́, и́мже от ю́ности на земли́ украша́лася еси́, благоугожда́юще Го́споду; сего́ ра́ди яви́лася еси́ честне́йшая Херуви́м и сла́внейшая Серафи́м. Е́й, Госпоже́ Пресвята́я, бу́ди на́м во все́м ско́рая Помо́щница и прему́драя ко спасе́нию Наста́вница, да Тебе́ после́дствующи и Тобо́ю воспомоществу́еми, сподо́бимся насле́дницы бы́ти Небе́снаго Ца́рствия, страда́ниями Сы́на Твоего́ исхода́тайственнаго, исполни́телям же святы́х за́поведей Его́ обеща́ннаго.

— Акафист на Рождество Пресвятой Богородице

Ви́жду бо безчи́сленныя щедро́ты и неизрече́нное человеколю́бие Твое́, я́ко не то́чию от небытия́ в бытие́ мя́ приве́л еси́, и о́браза Твоего́ подо́бием украси́в, всея́ до́льней тва́ри влады́ку поста́вил мя́ еси́, но и посе́м па́дша с высоты́ и врагу́ порабо́тившася, не оста́вил еси́, но, искупи́в мя́ безце́нною Кро́вию Твое́ю, благода́тию креще́ния снабди́л мя́ еси́, да востеку́ на пе́рвое достоя́ние.

— Акафист Воскресению Христову, молитва

Песнь 9 - Иису́се Бо́же мой, Спа́се, Ада́мле Ты взял еси́ преступле́ние и сме́рти вкуси́л еси́, да челове́ки от нея́ свободи́ши, Милосе́рде.

Несть никто́же, Милосе́рде, и́же не согреши́ в челове́цех, то́кмо Ты Еди́н, Иису́се Христе́, взе́мляй грехи́ всего́ ми́ра.

— Канон за единоумершего

Жития святых, Четьи-Минеи

Подобает также знать, что обрезание в Ветхом Завете было установлено во образ крещения и очищения прародительского греха, хотя тот грех и не очищался совершенно обрезанием, чего и не могло быть до тех пор, пока Христос добровольно не пролил за нас в страданиях Своей пречистой крови. Обрезание было только прообразом истинного очищения, а не самым истинным очищением, которое совершил Господь наш, взяв грех от среды и пригвоздив его на крест... Ему, как безгрешному и Самому бывшему Законодателем, не нужно бы и претерпевать того болезненного законного обрезания; но так как Он пришел взять на Себя грехи всего мира, и Бог, как говорит апостол, не знавшего греха Он сделал для нас жертвою за грех (2Кор.5:21), то Он, будучи без греха, претерпевает обрезание, как бы грешник... С утра Он начинает сеять Своею кровью, чтобы к вечеру собрать прекрасный плод нашего искупления.

— Слово на Обрезание Христово, 1 января

– Господь и Спаситель наш Иисус Христос был пригвожден для искупления наших грехов к кресту, от какового святого дерева мы получили в помощь и защиту себе крестное знамение.

— Страдание святых мучеников Спевсиппа, Елевсиппа и Мелевсиппа, бабки их Леониллы и других с ними, 16 января

Когда же я пролью кровь свою за Бога моего и принесу Ему ее в жертву, то если и не вполне, по крайней мере отчасти воздам Господу моему за пролитие Им крови за меня, ибо Христос, Царь мой, искупил меня Своею честною кровью... А святой Климент, эта истинная лоза Христова винограда, уразумев духом, что от его страдальческих подвигов могут произойти многие гроздья, громогласно воссылал Богу хвалу, восклицая: «Благодарю Тебя, Боже, Отец Небесный, за то, что Ты удостоил меня страдать в этом великом городе за Единородного Сына Твоего, пострадавшего за нас и пролившего драгоценную кровь Свою для искупления нашего...

— Житие и страдание святого священномученика Климента, епископа Анкирского, и святого мученика Агафангела и прочих с ними, 23 января

Произнеся сии слова, Она отдала Свое драгоценное Чадо в руки архиерею, как наместнику Божию, как бы отдавая Его Самому Богу. После сего Она выкупила Его, как требовал закон, установленною ценою, – пятью священными сиклями, число которых как бы предзнаменовало пять священных язв на теле Христа, принятых Им на кресте, которыми весь мир был искуплен от клятвы законной и от работы вражией.

— Сказание о Сретении Господнем 2 февраля

– Божий Сын Иисус Христос искупил меня от погибели честною Своею кровью, переселил в нетление, как писано о том в наших писаниях: «не тленным серебром или золотом искуплены вы от суетной жизни, преданной вам от отцов, но драгоценною Кровию Христа, как непорочного и чистого Агнца» (1Петр. 1:18–19).

— Житие и страдание святого апостола Онисима, одного из лика семидесяти, 15 февраля

Объясняя таким образом Священное Писание, святой Евстафий показывал арианам, что в Христе соединено было Божество и человечество, без изменения Своих свойств, что Сын Божий был под законом только для того, чтобы спасти рабов греха и осуждения.. так как Он носил человеческое орудие, заимствованное от Девы, то был под законом, – да освободит от рабства закона преданных осуждению клятвы.

— Житие святого Евстафия Антиохийского, 21 февраля

Бог, желая спасти человека, изгнанного из рая, и освободить его из ада, послал в мир сопредвечное Слово Свое, Сына Своего; Сын же Божий, приидя в мир, принял плоть от Пресвятой и Пречистой Девы Марии, образом быв как человек; затем претерпел крестную смерть, дабы исправить древом креста грех Адамова непослушания заповеди Божией; чтобы даровать спасение осужденному человеку, Он Сам заплатил за нас долг правосудию Божию Своим вольным страданием на кресте. Будучи пригвожден ко кресту, Сын Божий тем самым уничтожил рукописание наших грехов, победил нашу смерть Своею смертью, ад пленил и всю силу диаволову посрамил и сделал ничтожной.

— Страдание святого мученика Акакия, 7 мая

Я же верую во единого живого и всемогущего Бога, ибо мы «Им живем и движемся» (Деян.17:28); я верую в Творца и Промыслителя всей твари, Отца, и Сына, и Святого Духа; я исповедую единого Искупителя и Спасителя рода человеческого, Сына Божия, претерпевшего мучения ради грехов наших, кровию Его мы получили спасение... Ибо Сей есть Христос, Сын Бога Живого, Агнец Божий, взявший на Себя грехи мира.

— Страдание святьıх мучеников Вита, Модеста и Крискентии, 15 июня

Бог истинный, Сын Бога истинного, в вечности всегда пребывающий с Отцом, в конце веков, желая обновить род человеческий, погибавший вследствие преступления Адама, благоизволил родиться нетленно и несказанно от Пречистой Девы, дабы быть истинным Богом и истинным человеком, в одном лицо двоякого естества Единым Христом, истинным Сыном Божеским и Человеческим. И Он, будучи бесстрастен по Божеству и всегда пребывая с Отцом, стал не только видим, но и подчинен, по естеству человеческому, страданиям за нас: ибо сделался послушливым Богу Отцу даже до смерти, смерти же крестной, ради искупления нашего (ср. Флп.2:8). Если бы Сын Божий не восхотел быть Сыном Человеческим и не облекся бы в образ смертного, то ни род человеческий не получил бы прощения у Бога, ни смертные не облеклись бы в бессмертие.

— Житие и страдание святого священномученика Лукиана, 30 июня

Ты избавил нас от проклятия и греха, Ты стер голову змея... Ты сокрушил врата ада и, покорив силу того, кто властвовал над смертью, открыл нам путь к воскресению; Ты дал боящимся Тебя знамение, крест Твой святой, для утверждения и сохранения нашей жизни.

— Житие преподобной матери нашей Макрины, 19 июля

Когда следующим утром он пришел к учителю Евфросину, тот спросил у него:

– Где ты пропадал столько дней?

– Отец мой, купив имение, послал меня принять его, и я замедлил, внимательно осматривая всё, что там есть: потому что оно куплено за дорогую цену.

И это он говорил иносказательно о святом крещении, которое он принял, и о прочих таинствах христианской веры, которые он узнал и которые все необычайной цены, превосходящей всякие богатства, ибо они приобретены Кровью Христовою.

— Страдание святого великомученика Пантелеимона, 27 июля

Второе животное подобно тельцу и означает первосвященническое служение Господа нашего Иисуса Христа; на это же самое служение, по рассуждению святого Иринея, указывает и Евангелие Луки; оно начинается рассказом о священнике Захарии, приносящем Богу жертву; это значит, что Агнец, предопределенный от вечности для заклания за грехи мира, явился в мир, дабы принести Богу искупительную жертву за грехи людские... Наконец, четвертое животное подобно орлу летящему и указывает на присутствие в Церкви Духа Святого, ниспосланного Богом Отцом ради искупительных заслуг Сына Божия.

— Страдание священномученика Иринея Лионского, 23 августа

И подобно тому, как Господь наш Иисус Христос пострадал за грехи людские, так и Предтеча Его предполучил страдальческую смерть по причине беззакония Иродова.

— Сказание об усекновении главы святого пророка, предтечи и крестителя Господня Иоанна, 29 августа

Созидая Свою Церковь, которую только прообразовала ветхозаветная скиния, Он принес Богу Отцу за наши грехи жертву не без крови, Самого именно Себя. Сам Великий Первосвященник, прошедший небеса (Евр. 4:14), очистив нас от грехов Своей кровью, пролитой за нас...

— Слово в первый день индикта, или нового года, 1 сентября

...Агнец Божий принес Себя в жертву Богу Отцу за грехи наши...

— Слово на обновление Иерусалимского храма Воскресения Христова, 13 сентабря

Радуясь обретению такого Сокровища, Которым весь мир имел быть искуплен, Филипп не хотел один только обогащаться от Него, но желал, чтобы и другие были участниками того же дара.

— Житие святого Апостола Филиппа, 14 ноября

 

Будучи единосущен Отцу, Он был человеком ради нас, жил на земле, наставляя, уча и благодетельствуя людям; потом принял смерть за нас неблагодарных, дабы освободить нас от древнего осуждения, и даровать нам прежнее блаженство и наслаждение. Таким образом, Он отверз нам снова врата райские, которые мы заключили грехопадением.

— Житие и страдание святой великомученицы Екатерины, 24 ноября

Святый Андрей отвечал:

– Это то, чему ты мог бы научиться от меня; я покажу тебе, в чем погибель человеческих душ, чтобы ты мог познать спасение их, совершившееся чрез крест. Первый человек ввел смерть чрез древо преступления, и нужно было для человеческого рода, чтобы смерть была уничтожена чрез древо страдания. И как первый человек, введший чрез древо преступления смерть, был создан из чистой земли, так надлежало, чтобы от чистой Девы родился Христос, совершенный человек, Который есть вместе и Сын Божий, создавший первого человека, дабы Он возвратил вновь вечную жизнь, потерянную всеми людьми: и как первый человек согрешил, простерши к древу познания добра и зла руки, так для спасения людей надлежало, чтобы Сын Божий простер на кресте Свои руки за невоздержание человеческих рук и за сладкую пищу от запрещенного древа вкусил горькой желчи.

— Житие святого апостола Андрея, 30 ноябра

ИЗ ЧИН АНАФЕМЫ ПЕРВАЯ НЕДЕЛЯ ВЕЛИКОГО ПОСТА ДЛЯ ОТВЕРГАЮЩИХ ДОГМАТ ИСКУПЛЕНИЯ

Безумне глаголющим, яко не нужно быти ко спасению нашему и ко очищению грехов пришествие в мир Сына Божия во плоти, и Его вольное страдание, смерть и воскресение: анафема.

Неприемлющим благодати искупления Евангелием проповеданного, яко единственного нашего ко оправданию пред Богом средства: анафема.

— Из список 12 анафематизмов чина Торжества Православия

источники

• Октоих, Минея Праздничная, Триодь Постная, Триодь Цветная

---

Сноски

---